အာဖရိကဖလားဘောလုံးပြိုင်ပွဲ ၁၆ သင်းအဆင့် ရှုံးထွက်ပွဲမှာ အီဂျစ်အသင်းက ကွန်ဂိုအသင်းကို ပင်နယ်တီ အဆုံးအဖြတ်မှာ ရှုံးနိမ့်ပြီး ပြိုင်ပွဲကနေ ထွက်ခွာခဲ့ရပါတယ်။
မိုဆာလာ မပါဝင်နိုင်ခဲ့တဲ့ အီဂျစ်အသင်းဟာ ကွန်ဂိုရဲ့ ဦးဆောင်မှုခံခဲ့ရပြီး ပထမပိုင်းမှာပဲ ပြန်လည်ချေပနိုင်ခဲ့ပေမဲ့ မိနစ် ၉၀ အပြီးမှာ တဖက်တဂိုးစီ သရေကျခဲ့တာပါ။
အီဂျစ်အသင်းဟာ အချိန်ပိုမှာ တယောက်ထုတ်ပယ်ခံခဲ့ရပြီး ပွဲပြီးတဲ့အထိ အနိုင်အရှုံး မပေါ်ခဲ့တာကြောင့် ပင်နယ်တီအဆုံးအဖြတ် ခံယူခဲ့ရတာပါ။
ပင်နယ်တီကန်သွင်းရာမှာ တိုက်စစ်မှူး မိုစတာဖာနဲ့ ဂိုးသမား ဂါဘာတို့ရဲ့ ကန်သွင်းချက်တွေ လွဲချော်ခဲ့တာကြောင့် ကွန်ဂိုအသင်းက ၈ ဂိုး ၇ ဂိုးနဲ့ အနိုင်ရသွားခဲ့တာပါ။
ဒဏ်ရာရရှိနေတဲ့ ဆာလာဟာ နောက်တဆင့် တက်ခဲ့မယ်ဆိုရင် ဝင်ကစားဖို့ မျှော်လင့်ခဲ့ပေမဲ့ ရှုံးနိမ့်ခဲ့တာကြောင့် မိခင်ကလပ် လီဗာပူးအသင်းနဲ့ ပြန်လည်ပူးပေါင်းရတော့မှာ ဖြစ်ပါတယ်။
တခြားပွဲတွေမှာတော့ အန်ဂိုလာ၊ နိုင်ဂျီးရီးယား၊ ဂီနီတို့ ကွာတားဖိုင်နယ် တက်ရောက်သွားပါတယ်။
Photo-Reuters
