လီဗာပူးနည်းပြရာထူးနှင့် ပတ်သက်ပြီး နည်းပြအလွန်ဆို ပယ်ချ
DVB
·
January 27, 2024
လီဗာပူးအသင်းရဲ့ နည်းပြဖြစ်လာနိုင်တယ်ဆိုတဲ့ သတင်းတွေအပေါ် လီဗာကူဆင်နည်းပြ အလွန်ဆိုက ပယ်ချလိုက်ပါတယ်။
လီဗာပူးကစားသမားဟောင်း ဇာဗီအလွန်ဆိုဟာ လက်ရှိဂျာမန်ကလပ် လီဗာကူဆင်အသင်းကို နည်းပြအဖြစ် အကောင်းဆုံးတာဝန်ယူနေပြီး ဘွန်ဒက်စ်လီဂါအမှတ်ပေးဇယားကို ဦဆောင်နေတာပါ။
ရာသီအကုန်မှာ လစ်ဗာပူးအသင်းကနေ နည်းပြကလော့ပ်က ထွက်ခွါမယ်လို့ ထုတ်ပြန်ပြီးနောက်မှာ နည်းပြသစ်ဖြစ်လာနိုင်သူအဖြစ် အလွန်ဆိုကို သတ်မှတ်ခဲ့ကြတာပါ။
အလွန်ဆိုကတော့ လီဗာကူဆင်အသင်းမှာ ပျော်ရွှင်နေပြီး အသင်းအတွက်ပဲ အာရုံစိုက်သွားမှာဖြစ်ကြောင်း အနာဂတ်ကို ကြိုမသိနိုင်ပေမဲ့ လက်ရှိအချိန်မှာ စဉ်းစားနေဖို့ အချိန်မရှိကြောင်း နည်းပြအလွန်ဆိုက ပြောပါတယ်။
နည်းပြကလော့ပ်အပေါ် ကြီးမားတဲ့လေးစားမှုရှိပြီး လစ်ဗာပူးကနေထွက်ခွါမယ့်သတင်းဟာ အလွန်အံ့အားသင့်စရာကောင်းခဲ့ကြောင်းလည်း အလွန်ဆိုက ပြောသွားပါတယ်။
Photo-Reuters
