နည်းပြ ကလော့ပ်ကို လွမ်းနေမည်ဟု ဂွါဒီယိုလာ ထုတ်ဖော်ပြောဆို
DVB
·
January 27, 2024
လီဗာပူးနည်းပြ ယာဂန်ကလော့ပ်ကို လွမ်းဆွတ်နေမှာဖြစ်တယ်လို့ မန်စီးတီးနည်းပြ ဂွါဒီယိုလာက ပြောပါတယ်။
နည်းပြကလော့ပ်ဟာ အခုနှစ်ရာသီအကုန်မှာ လီဗာပူးအသင်းကနေ ထွက်ခွာတော့မှာဖြစ်ကြောင်း တရားဝင် အသိပေး ပြောကြားခဲ့ပြီးနောက်မှာ ဂွါဒီယိုလာက မှတ်ချက်ပေးခဲ့တာပါ။
ယာဂန်ကလော့ပ်နဲ့ အလွန်နီးကပ်တဲ့ ဆက်ဆံရေး မရှိပေမဲ့ အလွန်ထူးချွန်တဲ့နည်းပြဖြစ်ကြောင်း၊ နည်းပြကလော့ပ်ရဲ့လီဗာပူးအသင်းဟာ မန်စီးတီးအတွက် အကြီးမားဆုံး ပြိုင်ဘက်ဖြစ်ခဲ့ကြောင်း ဂွါဒီယိုလာက ပြောပါတယ်။
နည်းပြကလော့ပ်ကို လွမ်းဆွတ်နေမှာဖြစ်ပြီး သူ မရှိတော့တာက လီဗာပူးနဲ့ ပွဲစဉ် မတိုင်ခင်ညမှာ အိပ်ရေးပိုဝစေမှာဖြစ်တယ်လို့လည်း ဂွါဒီယိုလာက ပြောပါတယ်။
လီဗာပူးနည်းပြ ယာဂန်ကလော့ပ်ကတော့ လီဗာပူးကနေ ထွက်ခွာမဲ့ ဆုံးဖြတ်ချက်အပေါ် နောင်တရစရာ ဖြစ်လာမှာ မဟုတ်ဘဲ မှန်ကန်တဲ့ ဆုံးဖြတ်ချက်ဖြစ်လိမ့်မယ်လို့ ဆိုပါတယ်။
Photo-Reuters
