အာဆင်နယ်အသင်းဟာ ဂိုးသွင်းယူမှုအပိုင်းက လွဲရင် ကျန်တဲ့အပိုင်းတွေမှာ အကောင်းဆုံးအသင်း ဖြစ်ကြောင်း နည်းပြအာတီတာက ပြောသွားပါတယ်။
အာဆင်နယ်အသင်းဟာ နောက်ဆုံး ၃ ပွဲ ဆက်တိုက်ရှုံးနိမ့်ခဲ့ပြီး အဲဒီသုံးပွဲမှာ ၂ ပွဲက ဂိုးမသွင်းနိုင်ဘဲ ရှုံးနိမ့်ခဲ့ရတာပါ။
အာဆင်နယ်အသင်းရဲ့ အချက်အလက်အားလုံးကို လေ့လာကြည့်မယ်ဆိုရင် ထိပ်ဆုံးမှာရှိနေတာကို မြင်တွေ့ရမှာဖြစ်ပြီး လုံလောက်တဲ့ နိုင်ပွဲမရတာကပဲ ပြောစရာရှိကြောင်း နည်းပြအာတီတာက ပြောပါတယ်။
ဂိုးသွင်းယူနိုင်မှုကလွဲပြီး တခြားအပိုင်းတွေမှာ အာဆင်နယ်အသင်းက အကောင်းဆုံးအသင်းလို့ ဆိုလိုတာလားလို့ သတင်းထောက်တယောက်ကမေးမြန်းခဲ့ရာမှာ လုံးဝမှန်ကန်ကြောင်း အာတီတာက ဖြေကြားခဲ့တာပါ။
“ကျနော်တို့အသင်း စွမ်းဆောင်ပြခဲ့တာတွေကို အဲဒီလိုရူထောင့်ကနေကြည့်မယ်ဆိုရင် အဖြေက လုံးဝမှန်ကန်ပါတယ်” လို့ နည်းပြအာတီတာကပြောပါတယ်။
အာဆင်နယ်ဟာ ပရီးမီးယားလိဂ်မှာ ဒုတိယ အကောင်းဆုံးခံစစ်ကို ပိုင်ဆိုင်ထားပြီး တိုက်စစ်ပိုင်းကတော့ အဆင့် ၇ မှာ ပဲရှိပါတယ်။
Photo-Reuters
