လှိုင်မြို့နယ် ၁၃ ရပ်ကွက် ပန်းခြံကျောင်းလမ်းမှာ ဒီနေ့ည ၆ နာရီကျော်က သေနတ်နဲ့ ပစ်ခတ်ခံရတာကြောင့် ရပ်ကွက်ရာအိမ်မှူး သေဆုံးကာ အုပ်ချုပ်ရေးမှူး ဒဏ်ရာရရှိခဲ့တယ်လို့ မြို့ခံတွေဆီက သိရပါတယ်။
"သေနတ်နဲ့ပစ်တာ ၇ ချက်၊ ၈ ချက်လောက်ရှိတယ်။ ရာအိမ်မှူးက ပွဲချင်းပြီးသေတယ်၊ အုပ်ချုပ်ရေးမှူးက သုံးချက်ထိသွားတယ်။ အခြေအနေမကောင်းဘူး၊ စစ်ဆေးရုံကို ခေါ်သွားတယ်။"
သေဆုံးသူမှာ အုတ်ကျင်းဘူတာရုံလမ်းမှူး ဦးသန်းမြင့်ဖြစ်ပြီး အုပ်ချုပ်ရေးမှူး ဦးကျင်ဖျောက်မှာ ကျည်ထိမှန်ဒဏ်ရာတွေနဲ့ အမှတ် ၂ မဂ်လာဒုံစစ်ဆေးရုံကို ပို့ဆေေင်ထားရတယ်လို့ အုပိချုပ်ရေးနဲ့နီးစပ်သူတွေဆီက သိရပါတယ်။
လတ်တလောမှာ စစ်ကောင်စီတပ်နဲ့ ရဲတွေက လှိုင်မြို့နယ် ၁၃ ရပ်ကွက်အတွင်းနဲ့ ဘုရင့်နောင်တံတားဘက်မှာ စစ်ဆေးမှုတွေ ပြုလုပ်နေတယ်လို့ မြို့ခံတွေဆီက သိရပါတယ်။
ပြီးခဲ့တဲ့ ၂၀၂၁ နဲ့ ၂၀၂၂ ခုနှစ်ကလည်း လှိုင်မြို့နယ် ၁၃ ရပ်ကွက်မှာ ဗိုလ်ကြီးတဦးအပါအဝင် သတင်းပေးဒလန် လေးဦး သေနတ်နဲ့ပစ်ခတ်ခံရပြီး သေဆုံးခဲ့တဲ့ ဖြစ်စဥ်တွေလည်း ရှိပါတယ်။
