မိုးကောင်း၌ စက်သုံးဆီဆိုင် မီးလောင်
DVB
·
January 17, 2024
ကချင်ပြည်နယ်၊ မိုးကောင်းမြို့နယ်မှာ ဇန်နဝါရီ ၁၆ ရက် နေ့လယ်ပိုင်းက စက်သုံးဆီ ရောင်းဝယ်ရေး ဆိုင် တဆိုင် မီးလောင်ခဲ့တယ်လို့ ဒေသခံက ပြောပါတယ်။
ပင်းဘောကျေးရွာအုပ်စု၊ အုန်းပေါင်ကျေးရွာက Top Star စက်သုံးဆီ အရောင်းဆိုင်မှာ ဆီလှယ် နေစဉ် မီးစက်မှ စတင်လောင်ခဲ့တာလို့ သိရပါတယ်။
အုန်းပေါင်ရွာသားတဦးက " မီးစလောင်တော့ နေ့လယ် ၃ နာရီကျော်ကျော်လေးပဲ။ ဆီဘောက်ဆာ ကားနှစ်စီးနဲ့ ဆီလှယ်နေတာ။ ဆီလှယ်နေတဲ့ အင်ဂျင်စက်ကနေ ထလောင်တာ။ အင်ဂျင်စက်ကတဆင့် ဘေးနားက လောင်စာဆီတွေ ကူးပြီး လောင်လိုက်တာ တနာရီလောက် ကြာသွားတယ်" လို့ ပြောပါတယ်။
Top Star စက်သုံးဆီဆိုင် မီးလောင်ခဲ့တဲ့အတွက် ဆီသယ် ၁၂ ဘီးယာဉ် ၁ စီး၊ ဆီပေပါ အလုံး ၁၀၀ ကျော်နဲ့ ဆီဆိုင် မီးလောင်ဆုံးရှုံးခဲ့ပြီး လူနဲ့ တိရစ္ဆာန် ထိခိုက်သေဆုံးမှု မရှိခဲ့ပါဘူး။
