အိုင်းယက်စ်ကြယ်ပွင့် ဘရော့ဘီကို ခေါ်ယူရန် မန်ယူနည်းပြအဲရစ်တန်ဟတ်ဂ် ပစ်မှတ်ထား
DVB
·
January 12, 2024
မန်ယူနည်းပြအဲရစ်တန်ဟတ်ဂ်ဟာ အသင်းဟောင်း အိုင်းယက်စ်က လူငယ်ကြယ်ပွင့်တိုက်စစ်မှူး ဘရော့ဘီကို ခေါ်ယူဖို့ပစ်မှတ်ထားနေပါတယ်။
အခုနှစ်ဇန်နဝါရီအပြောင်းအရွှေ့မှာ ဆန်ချိုနဲ့ မာစီယယ်တို့ကို ရောင်းထုတ်သွားဖို့ရှိနေတဲ့ နည်းပြတန်ဟတ်ဂ်ဟာ တိုက်စစ်ကစားသမားတွေ ခေါ်ယူသွားမှာပါ။
နည်းပြတန်ဟတ်ဂ်ရဲ့ စိတ်ကြိုက်တိုက်စစ်ကစားသမားစာရင်းမှာ အိုင်းယက်စ်က ဟော်လန်လက် ရွေးစင်ကစားသမား ဘရိုင်ယန်ဘရော့ဘီလည်း ပါဝင်နေတာပါ။
အသက် ၂၁ နှစ်ရှိ ညာသန် တိုက်စစ် ကစားသမားဟာ အခုနှစ်ရာသီမှာဟော်လန်လိဂ် ၁၅ ပွဲ ကစားအပြီးမှာ ၈ ဂိုးသွင်း ၄ ဂိုး ဖန်တီးထားတာပါ။
သူဟာ လိုက်ပ်ဇစ်အသင်းမှာလည်း ပြောင်းရွှေ့ကစားခဲ့ဖူးပြီး ၂၀၂၂ ခုနှစ်က အသင်း ဟောင်းဆီ ပြန်လည်ပြောင်းရွှေ့လာခဲ့တာ ဖြစ်ပါတယ်။
Photo - Reuters
