ခြေစွမ်းပြနေတဲ့ တိုက်စစ်မှူး ဒါဝင်နူညက်ဇ်ကို လီဗာပူးနည်းပြ ကလော့ပ်က ချီးကျူးစကား ပြောကြားလိုက်ပါတယ်။
နူညက်ဇ်ဟာ ပရီးမီးယားလိဂ်မှာ ၅ ဂိုးသွင်း ၆ ကြိမ် ဖန်တီးထားသလို၊ ဖလားပွဲတွေမှာလည်း ခြေစွမ်းပြဂိုးတွေ သွင်းယူနေတာပါ။
မနေ့ညက ကစားခဲ့တဲ့ ဖူဟမ်အသင်းနဲ့ လိဂ်ဖလားပွဲမှာလည်း ဒုတိယပိုင်းရောက်မှ လူစားဝင်ကစားခဲ့ရပေမဲ့ အသင်းအတွက် အရေးပါတဲ့ ချေပဂိုးနဲ့ အနိုင်ဂိုးတွေကို ဖန်တီးပေးခဲ့တာပါ။
နူညက်ဇ်အနေနဲ့ ရောက်ခါစ ပထမနှစ်မှာ အသားကျဖို့ ကြိုးပမ်းခဲ့ရပြီး လက်ရှိရာသီမှာတော့ ပွဲစဉ်တိုင်းမှာ ဂိုးပါဝင်ပတ်သက်မှုတွေရှိလာကြောင်း၊ ထူးချွန်ပြောင်မြောက်စွာ ကစားနေတဲ့ သူ့ရဲ့ ကစားပုံမှာ ချီးကျူးစရာတွေအများကြီးရှိကြောင်း နည်းပြက ပြောပါတယ်။
လီဗာပူးအသင်းဟာ ဖူဟမ်နဲ့ ပွဲမှာ နူညက်ဇ်နဲ့ ဂတ်ပိုကို ဒုတိယပိုင်းမှာ လူစားလဲ အသုံးပြုခဲ့တာဖြစ်ပြီး ဂတ်ပိုက အနိုင်ဂိုး သွင်းယူပေးသွားတာ ဖြစ်ပါတယ်။
Photo - Reuters
