ချဲလ်ဆီးနောက်ခံလူ မက်ဆန် ဒေါ့မွန်အသင်းဆီ အငှားစာချုပ်နှင့် ပြောင်းရွှေ့
DVB
·
January 10, 2024
ချဲလ်ဆီးနောက်ခံလူ မက်ဆန်ဟာ ဒေါ့မွန်အသင်းဆီကို အငှားစာချုပ်နဲ့ ပြောင်းရွှေ့ဖို့ သဘောတူလိုက်ပါတယ်။
ဟော်လန်လူငယ်ကြယ်ပွင့်ဟာ ပရီးမီးယားလိဂ်မှာ ၃ ပွဲသာ ပွဲထွက်လူစာရင်းမှာ ပါဝင်ခွင့်ရခဲ့ပြီး ပွဲကစားချိန် အလွန်နည်းပါးခဲ့တာကြောင့် အငှားထွက်ကစားဖို့ ဆုံးဖြတ်ခဲ့တာပါ။
ဒေါ့မွန်အသင်းဆီ မသွားခင်မှာ မိခင်ကလပ်နဲ့ ၂ နှစ်သက်တမ်းတိုးခဲ့ပြီး ရာသီကုန်ဆုံးချိန်မှာ လန်ဒန်ကလပ်ဆီ ပြန်လာမှာဖြစ်ပါတယ်။
မက်ဆန်ဟာ မနှစ်ကရာသီတုန်းက ဘန်လေအသင်းမှာ အငှားထွက်ကစားစဉ်က တန်းတက် ကစားခွင့်ရရှိအောင် စွမ်းဆောင်ခဲ့သူဖြစ်ပြီး ဘန်လေက ပေါင် ၃၁ သန်းခန့်နဲ့ ခေါ်ယူချင်ခဲ့ပေမဲ့ လက်မခံခဲ့တာပါ။
ချဲလ်ဆီးအသင်းဟာ ဇန်နဝါရီအပြောင်းအရွှေ့မှာ တိုက်စစ်ပိုင်း အင်အားဖြည့်တင်းသွားဖို့ ပြင်ဆင်နေ ပါတယ်။
Photo - REUTERS/Tony Obrien
