ကချင်လွတ်မြောက်ရေးတပ်မတော် (KIA)က ပစ်ချခဲ့တဲ့ စစ်ရဟတ်ယာဉ်က ဗိုလ်မှူးတယောက်ကို အရှင်ဖမ်းမိပြီး စစ်ကောင်စီတပ်ဖွဲ့ဝင် ခြောက်ယောက် သေဆုံးခဲ့တယ်လို့ ညီနောင်မဟာမိတ်၃ဖွဲ့က ထုတ်ပြန်ပါတယ်။

ကချင်ပြည်နယ် လိုင်ဇာအထက်နားက ပါဂျောင်၊ နာဖော့တပ်စခန်းကို လက်နက်ခဲယမ်းနဲ့ ရိက္ခာတွေ လာရောက် ပို့ဆောင်တဲ့ စစ်ကောင်စီရဲ့ Mi-17 စစ်ရဟတ်ယာဉ်တစီးကို ကေအိုင်အေက ဇန်နဝါရီလ ၃ ရက် မနေ့ မနက် ၁၁ နာရီခွဲလောက်မှာ ပစ်ချနိုင်ခဲ့တာပါ။

စစ်ရဟတ်ယာဉ်ဟာ နမ်းပန်တောင် ပတ်ဝန်းကျင်မှာ ပျက်ကျခဲ့တာဖြစ်တယ်လို့ လိုင်ဇာပတ်ဝန်းကျင်က ဒေသခံတဦးကပြောပါတယ်။

အခုလို ထောက်ပို့ယာဉ် Mi-17 ရဟတ်ယာဉ်ကို နှစ်သစ်အစပိုင်းမှာ ပစ်ခတ်နိုင်တာဟာ အယူသီးတဲ့ စစ်ကောင်စီအတွက်တော့ ကြမ္မာငင်မယ့် နေ့ရက် အစပဲ ဖြစ်တယ်လို့ မြောက်ပိုင်းမဟာမိတ်အဖွဲ့တွေက ပြောပါတယ်။ 

အခုလို ရဟတ်ယာဉ်ပစ်ချခံရတာနဲ့ပတ်သက်လို့ စစ်ကောင်စီဘက်က တရားဝင်ထုတ်ပြန်တာ မတွေ့ရသေးပါဘူး။

NB KIA Arrested Major