အိန္ဒိယဝန်ကြီးချုပ် နရင်ဒြာမိုဒီဟာ ဒီဇင်ဘာ ၄၀ ရက်က ဘုရားကျောင်းမြို့ အယုဒ္ဓယဆီကို ရောက်လာပြီး အပြည်ပြည်ဆိုင်ရာလေဆိပ်ကိုဖွင့်လှစ်ပေးခဲ့သလို ပြုပြင်ထားတဲ့ ဘူတာရုံဆီလည်း သွားရောက်လည်ပတ်ခဲ့ပါတယ်။
မြို့ခံ ကချေသည်တွေနဲ့ ဗုံတီးသူတွေက လူအုပ်ကို ဖျော်ဖြေနေချိန်မှာ အိန္ဒိယခေါင်းဆောင်ကို တွေ့ဖို့ လမ်းဘေးမှာ လူတွေက စောင့်ဆိုင်းနေခဲ့ ကြပါတယ်။
ကြီးကျယ်ခမ်းနားတဲ့ ဟိန္ဒူဘုရားကျောင်းမဖွင့်မီ တစ်လမပြည့်မီမှာ အိန္ဒိယနိုင်ငံ မြောက်ပိုင်းမြို့ဟာ မိုဒီပြန်လည်ရွေးကောက်တင်မြှောက်ခံဖို့ မဲဆွယ်စည်းရုံးရေးရဲ့ အဓိကဗဟိုချက်အဖြစ် ရှုမြင်ထားပါတယ်။
ဒါကြောင့် ဒီစီမံကိန်းကို အပြီးသတ်ဆောင်ရွက်နေလို့ လွန်းထိုးလှုပ်ရှားနေကြတာပါ။
ဇန်နဝါရီ ၂၂ ရက်မှာ မိုဒီဟာ ရူပီးငွေ ဘီလီယံ ၂၀ (အမေရိကန် ဒေါ်လာ သန်း ၂၄၀) ကျော်ကုန်ကျတဲ့ စီမံကိန်းအတွင်း ဟိန္ဒူဘုရား ရာမရဲ့ ရုပ်တုရှေ့မှာ ပထမဆုံးအကြိမ် ဆုတောင်းမှာလည်း ဖြစ်ပါတယ်။
မြေညီထပ်မှာ လုပ်သား ၄,၅၀၀ ကျော်က ပြီးစီးဖို့ ၂၄ နာရီပတ်လုံး ကြိုးပမ်းဆောင်ရွက် နေပါတယ်။ မိုဒီရဲ့ ဟိန္ဒူအမျိုးသားရေးဝါဒီ BJP ပါတီဟာ အဓိက ရည်မှန်းချက်တွေထဲက တစ်ခုအဖြစ် ဘုရားကျောင်း ဆောက်လုပ်ပြီးစီးဖို့ ကတိပြုခဲ့ပါတယ်။
Source/Photo - Reuters
