အနိုင်ရဖို့ တသင်းတည်းကပဲ ကြိုးပမ်းခဲ့ကြောင်း လီဗာပူးနောက်ခံလူ ဗန်ဒိုက်က ဝေဖန် ပြောကြားသွားပါတယ်။
လီဗာပူးအသင်းဟာ မနေ့ညက အိမ်ကွင်းမှာ မန်ယူအသင်းနဲ့ ဂိုးမရှိသရေကျခဲ့ပြီး နောက်မှာ နောက်ခံလူဗန်ဒိုက်က မန်ယူအသင်းရဲ့ ခံစစ်ကစားပုံအပေါ် ဝေဖန်သွားခဲ့တာပါ။
အနိုင်ရဖို့ တသင်းတည်းကပဲ ကြိုးပမ်းခဲ့ပြီး ကံမကောင်းစွာနဲ့ဘဲ ဖြစ်မလာခဲ့ကြောင်း၊ လီဗာပူးအသင်းဟာ ပွဲတိုင်းကို အနိုင်ရဖို့ တခုတည်းအတွက်သာ ကြိုးပမ်းပြီး မန်ယူနိုက်တက်လိုအသင်းနဲ့ ပွဲဆိုရင် ပိုပြီး အနိုင်ရချင်ကြောင်း ဗန်ဒိုက်က ပြောပါတယ်။
“နေရာတိုင်းမှာ ကျနော်တို့က အသာစီးရယူနိုင်ခဲ့ပေမဲ့ အနိုင်မရခဲ့တဲ့အပေါ် စိတ်ပျက်ရပါတယ်။ သူတို့ဘက်ကတော့ တန်ပြန်တိုက်စစ်ကစားဖို့ပဲ မျှော်လင့်ခဲ့တယ်။ အဆုံးသတ်မှာ သရေတမှတ်က သူတို့ ပျော်ရွှင်နေပေမဲ့ ကျနော်တို့ဘက်ကတော့ စိတ်ပျက်စရာ ဖြစ်ခဲ့ရတယ်။”
မန်ယူနောက်ခံလူဟောင်း ရွိုင်ကိန်းကတော့ ဗန်ဒိုက်ရဲ့ မှတ်ချက်စကားဟာ သွေးနားထင်ရောက်နေပြီး မန်ယူအသင်းအပေါ် လေးစားမှုမရှိကြောင်း ဝေဖန်သွားပါတယ်။
Photo-Reuters
