ပဲလေ့နှင့် သရေပွဲရလဒ်က ထိုက်တန်ကြောင်း မန်စီးတီးနည်းပြ ဝန်ခံ
DVB
·
December 17, 2023
မနေ့ညက ကစားခဲ့တဲ့ ခရစ္စတယ်ပဲလေ့နဲ့ သရေပွဲရလဒ်က ထိုက်တန်ကြောင်း မန်စီးတီးနည်းပြ ဂွါဒီယိုလာက ပြောသွားပါတယ်။
မန်စီးတီးဟာ ပွဲချိန် ၇၅ မိနစ်အထိ ၂ ဂိုးပြတ်နဲ့ဦးဆောင်နိုင်ခဲ့ပေမဲ့ ၇၆ မိနစ်နဲ့ ၉၅ မိနစ်တွေမှာ ချေပဂိုးနှစ်ဂိုးပေးခဲ့ရပြီး ၂ ဂိုးစီ သရေကျခဲ့တာပါ။
အဲဒီပွဲရလဒ်ဟာ မန်စီးတီး အသင်းသားတွေနဲ့ ထိုက်တန်တဲ့ရလဒ်ဖြစ်ပြီး ရမှတ် ၂ မှတ်လွှင့်ပစ်ခဲ့တာဖြစ်ကြောင်း နည်းပြ ဂွါဒီယိုလာက ပြောပါတယ်။
“ပွဲရလဒ်က ကံမကောင်းလို့မဟုတ်ဘဲ ထိုက်ထိုက်တန်တန် သရေပွဲ ဖြစ်တယ်။ ၁၈ ကိုက်စည်းထဲမှာ ဂရုတစိုက်ကစားဖို့ လိုအပ်ပေမဲ့ ကျနော်တို့ဘက်က မလုပ်နိုင်ခဲ့ဘူး။ ကျနော်တို့ အနိုင်ရလဒ်နဲ့မထိုက်တန်ပါဘူး။”
ဒီပွဲမှာ မန်စီးတီး တိုက်စစ်မှူးဟာလန်းလည်း ပါဝင်နိုင်ခြင်းမရှိခဲ့တာကြောင့် အားနည်းခဲ့ရပြီး အမှတ်လျော့ခဲ့ရတာ ဖြစ်ပါတယ်။
Photo - Reuters
