အစ္စရေးကနေ ဟားမတ်စ်သေနတ်သမားတွေ ဖမ်းဆီးခေါ်ဆောင်သွားပြီး အချိန် ၂ လ ကြာလာပြီး နောက်မှာ ဂါဇာမှာ ထိန်းသိမ်းထားတဲ့ ဓားစာခံတွေကို ပြန်လွှတ်ပေးဖို့ ဒီဇင်ဘာ ၉ ရက် စနေနေ့ ညက လူထောင်ပေါင်းများစွာ တဲလ်အဗစ်မြို့တော်မှာ စုဝေးတောင်းဆိုခဲ့ကြပါတယ်။
အသက် ၁၉ နှစ်အရွယ် ဓားစာခံ အီတေချန် ရဲ့ မိဘတွေက လူစုလူဝေးကို မိန့်ခွန်းပြောကြားခဲ့ပြီး ကြက်ခြေနီအဖွဲ့ကို သူတို့သားဆီ သွားရောက်ပေးဖို့နဲ့ အစ္စရေးအစိုးရကိုလည်း ခေါင်းဆောင်မှုပြသဖို့ တောင်းဆိုခဲ့ပါတယ်။
ဒီဇင်ဘာ ၁ ရက်က ပြီးဆုံးခဲ့တဲ့ ၇ ရက်ကြာ အပစ်အခတ်ရပ်စဲမှုအောက်မှာ ဂါဇာကို အုပ်ချုပ်တဲ့ အစ္စလာမ္မစ် စစ်သွေးကြွအဖွဲ့က ဓားစာခံ ၁၀၀ လောက်ကို အစ္စရေး အကျဉ်းထောင်တွေမှာရှိတဲ့ ပါလက်စတိုင်း အကျဉ်းသားတွေနဲ့ လဲလှယ်ပေးခဲ့ပါတယ်။
ဂါဇာမှာ ဓားစာခံ ၁၃၀ ကျော် ကျန်နေသေးတယ်လို့ အစ္စရေးက ပြောပါတယ်။
အောက်တိုဘာ ၇ ရက်က ဟားမတ်စ် တိုက်ခိုက်ရေးသမားတွေဟာ အစ္စရေးကို နယ်စပ်ဖြတ်ကျော် တိုက်ခိုက်မှုတွေ လုပ်ခဲ့ပြီးတော့ လူပေါင်း ၁၂၀၀ လောက်ကို သတ်ဖြတ်ခဲ့ပြီး ဓားစာခံ အယောက် ၂၄၀ ကို ဖမ်းဆီးသွားခဲ့တာကြောင့် အစ္စရေးက ဂါဇာအုပ်ချုပ်သူတွေကို လက်တုံ့ပြန် တိုက်ခိုက်ခဲ့တာပါ။
ဂါဇာကမ်းမြောင်ဒေသမှာ နေထိုင်သူ ၂ ဒသမ ၃ သန်း ရှိတဲ့အထဲက အများစုဟာ သူတို့ရဲ့ နေအိမ် တွေကနေ အတင်းအဓမ္မ ရွှေ့ပြောင်းခံခဲ့ရပြီး အခုချိန်ထိ သေဆုံးသူ အနည်းဆုံး ၁၇,၇၀၀ ရှိကြောင်း ဂါဇာကျန်းမာရေးဝန်ကြီးဌာနက ထုတ်ပြန်ထားပါတယ်။
Source/Photo - Reuters
