ကမ္ဘာပတ်လမ်းကြောင်းသို့ ဂြိုဟ်တုအသစ် ၃ စင်း တရုတ်ပစ်လွှတ်
DVB
·
December 9, 2023
တရုတ်နိုင်ငံအနောက်မြောက်ပိုင်းရှိ ကျူးဟွမ်း ဂြိုဟ်တုလွှတ်တင်ရေးစင်တာကနေ ဒီဇင်ဘာ ၉ ရက် မနက်ပိုင်းမှာ တရုတ်နိုင်ငံရဲ့ အောက်ဆီဂျင်-မီသိန်း လောင်စာရည်သုံး ဒုံးပျံကနေ ဂြိုဟ်တု အသစ် ၃ စင်းကို စီစဉ်ထားတဲ့ ကမ္ဘာပတ်လမ်းကြောင်းထဲကို ပစ်လွှတ်ခဲ့ပါတယ်။
ဆူးခေး-၂ Y-3 အမျိုးအစား ဒုံးပျံဟာ လွှင့်တင်လိုက်တဲ့ နေရာကနေ ပေကျင်းစံတော်ချိန် မနက် ၇ နာရီ ၃၉ မိနစ်မှာ ပျံတက်သွားတာပါ။
ဒါဟာ ဆူးခေး-၂ ဒုံးပျံစီးရီး ရဲ့ တတိယမြောက် ပစ်လွှတ်မှုမစ်ရှင်လည်း ဖြစ်ပါတယ်။
တရုတ်ဒုံးပျံကုမ္ပဏီ LandSpace က ထုတ်လုပ်ထားတဲ့ ဆူးခေး-၂ ဟာ အောက်ဆီဂျင်-မီသိန်း လောင်စာရည်ကို အသုံးပြု မောင်းနှင်တဲ့ ကမ္ဘာ့ပထမဆုံး ဒုံးပျံလည်း ဖြစ်ပါတယ်။
Source/Photo - WANA NEWS AGENCY Credit: via REUTERS
