ဂိုးသမားအိုနားနားဟာ ပရီးမီးယာလိဂ်ပြိုင်ပွဲမှာ ဒုတိယအကောင်းဆုံးဂိုးသမားဖြစ်ကြောင်း မန်ယူ နည်းပြတန်ဟတ်ဂ်က ပြောသွားပါတယ်။
ပြီးခဲ့တဲ့ချန်ပီယံလိဂ်ပြိုင်ပွဲမှာ ဂိုးသမားအိုနားနားရဲ့ အမှားတွေကြောင့် နိုင်ပွဲမရခဲ့တဲ့အပေါ် ဝေဖန်မှုတွေကို နည်းပြတန်ဟတ်ဂ်က ပြန်လည် တုံ့ပြန်ခဲ့တာပါ။
အိုနားနားဟာ အချက်အလက်အရ ပရီးမီးယားလိဂ်မှာ ဒုတိယအကောင်းဆုံးဂိုးသမားဖြစ်ကြောင်း၊ ချန်ပီယံလိဂ်မှာ အမှားလုပ်ခဲ့ပေမဲ့ မန်ယူအသင်းနဲ့ ပထမ ၅ လတာ လက်စွမ်းက ချီးကျူးစရာဖြစ် ကြောင်း နည်းပြတန်ဟတ်ဂ်က ပြောပါတယ်။
အိုနားနားဟာ သန်မာတဲ့စရိုက်လက္ခဏာရှိသူဖြစ်သလို ကိုယ်ရည်ကိုယ်သွေးလည်း ရှိသူဖြစ်လို့ လက်ရှိအခြေအနေတွေကို ဖြေရှင်းနိုင်မှာဖြစ်ကြောင်း နည်းပြ တန်ဟတ်ဂ်က ချီးကျူးသွားပါတယ်။
အိုနားနားဟာ ပရီးမီးယားလိဂ်မှာ ဂျွန်စတုန်း၊ နစ်ပုတ်တို့နဲ့ အတူ ပေးဂိုးမရှိတဲ့ပွဲ ၅ ပွဲနဲ့ အများဆုံးဖြစ်နေပြီး ဂိုးပေါက်ကာကွယ်နိုင်မှု ဒုတိယအများဆုံးဂိုးသမားအဖြစ် ရပ်တည်နေပါတယ်။
Photo-Reuters
