မန်စီးတီးကစားသမား ဖိုဒမ်ရဲ့ခြေစွမ်းတိုးတက်လာမှုအပေါ် ဖီဖာဥက္ကဋ္ဌ အက်ဖက်တီနိုက ချီးကျူး စကားဆိုသွားပါတယ်။
ဖီဖာဥက္ကဋ္ဌဟာ အင်္ဂလန်အသင်းနဲ့အတူ ယူ-၁၇ ကမ္ဘာ့ဖလားရရှိစဉ်က ဖိုဒမ်ရဲ့ ဓာတ်ပုံနဲ့ ၂၀၂၂ခုနှစ် ကမ္ဘာ့ဖလားမှာ ဖိုဒမ်ဂိုးသွင်းခဲ့တဲ့ပုံကို နှိုင်းယှဉ်ပြသပြီး ဖီဖာရဲ့ လူငယ်ပြိုင်ပွဲကနေ တိုးတက်လာတဲ့သူဖြစ်ကြောင်း အင်စတာဂရမ်ကနေ ချီးကျူးရေးသားခဲ့တာပါ။
ဖိုဒမ်ဟာ ၂၀၁၇ ယူ-၁၇ ပြိုင်ပွဲမှာ အင်္ဂလန်အသင်းနဲ့အတူ ချန်ပီယံဖြစ်ခဲ့ပြီး ရွှေဘောလုံးဆုလည်း ရရှိခဲ့တာပါ။
၂၀၂၂ ဖီဖာကမ္ဘာ့ဖလား အုပ်စုပွဲစဉ်ဖြစ်တဲ့ ဝေးလ်နဲ့ပွဲစဉ်မှာ ဖိုဒမ်က ပထမဆုံး ကမ္ဘာ့ဖလားသွင်းဂိုး ရရှိခဲ့ပါတယ်။ ဖိုဒမ်ဟာ မန်စီးတီးအတွက် စုစုပေါင်း ၂၃၇ ပွဲကစားအပြီးမှာ ၆၆ ဂိုးသွင်းယူခဲ့ပါတယ်။ သူဟာ မန်စီးတီးနဲ့အတူ ပရီးမီးယားလိဂ်ချန်ပီယံ ၅ ကြိမ်ရရှိခဲ့သလို ချန်ပီယံလိဂ်ဖလားတစ်လုံး၊ အက်ဖ်အေဖလားနှစ်လုံးနဲ့ ကရာဘောင်ဖလား ၄လုံး ရရှိအောင် စွမ်းဆောင်နိုင်ခဲ့ပါတယ်။
Photo-Reuters
