ဂျပန်နိုင်ငံ ယာကူရှီးမားကျွန်းအနီးမှာ အမေရိကန် စစ်လေယာဉ်တစင်း ပျက်ကျခဲ့ကြောင်း ကမ်းခြေစောင့်တပ်ကနေ သိရှိရပြီး ပျောက်ဆုံးလေယာဉ်ပေါ်မှာ လူ ၈ ဦးရှိကြောင်း ဂျပန်ကမ်းခြေစောင့်တပ်ဖွဲ့က ပြောကြားခဲ့ပါတယ်။
ဂျပန်အစိုးရအဖွဲ့ကလည်း အဲဒီနေ့မှာပဲ ဂျပန်အနောက်တောင်ပိုင်းမှာ Osprey အမေရိကန် စစ်လေယာဉ်တစင်း ရေဒါမြင်ကွင်းမှ ပျောက်သွားကြောင်း သတင်းရရှိခဲ့တယ်လို့ နိုဝင်ဘာ ၂၉ ရက်မှာ ပြောပါတယ်။
Osprey အမေရိကန် စစ်လေယာဉ်ဟာ ကာဂိုရှီမား စီရင်စုရှိ ယာကူရှီးမားကမ်းလွန်မှာ ဒီနေ့ မွန်းလွဲ ၂ နာရီ မိနစ် ၄၀ ဝန်းကျင်လောက်က ရေဒါမှ ပျောက်ကွယ်သွားကြောင်း သတင်းရရှိခဲ့တယ်လို့ ဂျပန် ကက်ဘိနက်အကြီးအကဲ အတွင်းရေးမှူး ဟိရိုကာ့ဇု မတ်ဆုနိုက ပုံမှန်သတင်းစာရှင်းလင်းပွဲမှာ သတင်းထောက်တွေကို ပြောကြားခဲ့ပါတယ်။
ပျက်ကျသွားတဲ့ လေယာဉ်ကို ကယ်ဆယ်ရေးကြိုးပမ်းမှုဟာ အစိုးရအတွက် အမြင့်ဆုံး ဦးစားပေးဖြစ်ကြောင်းလည်း ထည့်သွင်းပြောသွားပါတယ်။
ဒေါင်လိုက်မှ အလျားလိုက် အတက်အဆင်းနဲ့ ပျံသန်းမှု ၂ မျိုးလုံး လုပ်ဆောင်နိုင်တဲ့ ဒီလေယာဉ်ကို အမေရိကန် မရိမ်းတပ်ဖွဲ့၊ အမေရိကန်ရေတပ်နဲ့ ဂျပန်ကိုယ်ပိုင်ကာကွယ်ရေးတပ်ဖွဲ့ (JSDF) တို့က အသုံးပြုနေတာ ဖြစ်ပါတယ်။
Source/Photo-Reuters
