ကိုလံဘီယာစစ်တပ်ဘက်အနေနဲ့ လုံခြုံရေးအာမခံချက် ပေးမယ်ဆိုရင် ဒီယက်ဇ်ရဲ့ဖခင်ကို ပြန်လွှတ်ပေးမယ်လို့ ပြန်ပေးဆွဲသွားတဲ့အဖွဲ့က ပြောပါတယ်။

ဒီယက်ဇ်ရဲ့ဖခင်ကို အမျိုးသားလွတ်မြောက်ရေးတပ်မတော်လို့ ခေါ်တဲ့ ELN ပြောက်ကျားတပ်ဖွဲ့က ပြန်ပေးဆွဲသွားခဲ့တာပါ။

ကိုလံဘီယာစစ်တပ်နဲ့ ရဲတပ်ဖွဲ့ရဲ့ အသေးစိတ်ရှာဖွေစုံစမ်းမှုတွေဟာ ဒီယက်ဇ်ရဲ့ဖခင်ကို ပြန်လွှတ်ဖို့ အခက်တွေ့စေပြီး လုံခြုံရေးအာမခံချက်ပေးဖို့ လိုအပ်ကြောင်း ELN တပ်ဖွဲ့မှူး မာတီနက်ဖ်ကွီးရော့ဇ်က စာရေးသားပြီး ထုတ်ပြန်ပါတယ်။

ကိုလံဘီယာတပ်ဖွဲ့နဲ့ တိုက်ပွဲဖြစ်မှာကို ရှောင်ရှားလိုပြီး ရှာဖွေမှုတွေ ဆက်လုပ်နေမယ်ဆိုရင် ပြန်လွှတ်ပေးဖို့ ပိုပြီးကြန့်ကြာစေမယ်လို့ ELN အဖွဲ့က ပြောပါတယ်။

ဒီယက်ဇ်ဟာ ဖခင်ဖြစ်သူ ပြန်ပေးဆွဲခံရမှုကြောင့် လီဗာပူးရဲ့ ပွဲစဉ်နှစ်ပွဲကို လွဲချော်ခဲ့ပြီး လူတန်နဲ့ပွဲမှာ လူစားဝင်ကစားခဲ့ရာမှာ နောက်ကျချေပဂိုး သွင်းခဲ့ပါတယ်။

Photo-Reuters