ထိုင်ဝမ်က အငြိမ်းစား လေတပ်ဗိုလ်မှူးကြီး လျိုရှန့်ရှူးဟာ တရုတ်ပြည်မကြီး အစိုးရအတွက် သူလျှိုကွန်ရက်ကို စီမံခန့်ခွဲမှုအတွက် အပြစ်ရှိတယ်လို့ ထိုင်ဝမ်တရားရုံးချုပ်ရဲ့ ကောင်းရှုံရုံးခွဲက ဆုံးဖြတ်ပြီး သူ့ကို ထောင်ဒဏ် နှစ် ၂၀ ချမှတ်လိုက်တယ်လို့ ထိုင်ပေတိုင်းမ်စ် သတင်းဌာနက အောက်တိုဘာ ၂၆ ရက်မှာ ထုတ်ပြန်ပါတယ်။
ဒီစီရင်ချက်ကို အယူခံဝင်နိုင်ပြီး လျိုနဲ့ ကြံရာပါ ၆ ဦးထဲက ၅ ဦးဟာ လက်ရှိ တာဝန်ထမ်းဆောင်ဆဲ စစ်ဘက်အရာရှိတွေလည်း ပါဝင်ပါတယ်။ သူတို့ဟာ သူလျှိုမှုအတွက် အပြစ်ရှိကြောင်း ဆုံးဖြတ်ခံရပြီးတဲ့နောက် ထောင်ဒဏ် ခြောက်လကနေ အနှစ် ၂၀ နဲ့ ခြောက်လအထိ စီရင်ချက်ချခံကြရပါတယ်။
ဒီပြစ်ဒဏ်တွေဟာ လွန်ခဲ့တဲ့ နှစ်အနည်းငယ်အတွင်း သူလျှိုနဲ့ဆက်နွှယ်တဲ့ ရာဇဝတ်မှုတွေမှာ ပါဝင်ပတ်သက်ခဲ့တဲ့ စစ်မှုထမ်းတွေအပေါ် အပြင်းထန်ဆုံး ချမှတ်ခဲ့တဲ့ ပြစ်ဒဏ်တွေထဲက တချို့ဖြစ်တယ်လို့ ဒေသခံမီဒီယာက ဖော်ပြခဲ့ပါတယ်။
လျိုဟာ ၂၀၁၃ ကနေ ၂၀၂၁ ခုနှစ်အထိ အမျိုးအစားခွဲထားတဲ့ အမျိုးသားလုံခြုံရေး သတင်းအချက်အလက် အက်ဥပဒေကို ချိုးဖောက်ခဲ့တယ်လို့ တရားရုံးက ပြောခဲ့ပါတယ်။
