အခုနှစ်ရာသီမှာ ကစားခဲ့ပြီးသမျှ ပွဲစဉ် ၁၈ ပွဲစလုံး အနိုင်ရရှိထားတဲ့ တူရကီကလပ် ဖီနာဘာချီအသင်းကို ဥရောပရဲ့ အကောင်းဆုံးအသင်းအဖြစ် မီဒီယာတွေကချီးကျူးနေကြပါတယ်။
ဖီနာဘာချီအသင်းဟာ တူရကီစူပါလိဂ်ပွဲစဉ် ၉ ပွဲစလုံး အနိုင်ရရှိခဲ့သလို ယူရိုကွန်းဖရင့်လိဂ်ပွဲစဉ် ၉ ပွဲစလုံးလည်း အနိုင်ရရှိထားလို့ ဒီရာသီမှာ ကစားခဲ့သမျှပွဲစဉ်အားလုံး အနိုင်ရရှိထားတာပါ။
ဖီနာဘာချီအသင်းဟာ ယူရိုကွန်းဖရင့်လိဂ်မှာ ခြေစစ်ပွဲ အဆင့်ကနေကစားခဲ့ရတာကြောင့် လက်ရှိ အုပ်စုပွဲစဉ်သုံးပွဲအပါအဝင် စုစုပေါင်း ၉ ပွဲဆက် အနိုင်ရရှိခဲ့တာပါ။
ဖီနာဘာချီအသင်းဟာ ပရီးမီးယားလိဂ်ကစားသမားဟောင်းတွေလည်းပါဝင် နေပြီး မန်စီးတီးတိုက်စစ်မှူးဟောင်း ဂျက်ကိုက ၈ ဂိုးသွင်းထားကာ ချဲလ်ဆီးတိုက်စစ်မှူး ဘတ်ရူအာယီက ၄ ဂိုး သွင်းထားပါတယ်။
ဆောက်သမ်တန်ကစားသမားဟောင်း ဒူဆန်တာဒစ်၊ မန်ယူကွင်းလယ်လူဟောင်း ဖရက်ဒ်နဲ့ ဘုန်းမောက်တိုက်စစ်မှူးဟောင်း ဂျိုရူအာကင်းတို့လည်း ပါဝင်ကစားနေတာဖြစ်ပါတယ်။
Photo - Reuters
