ပေကျင်းရှိ အစ္စရေးသံရုံးမှ ဝန်ထမ်းတဦးဟာ အောက်တိုဘာ ၁၃ ရက်က ကိုယ်ထိလက်ရောက် စော်ကား တိုက်ခိုက်ခံခဲ့ရပြီး အခုတော့ ဆေးရုံမှာ အခြေအနေ တည်ငြိမ်နေပြီလို့ အစ္စရေး နိုင်ငံခြားရေးဝန်ကြီးဌာနက ထုတ်ပြန်ချက်မှာ ဖော်ပြခဲ့ပါတယ်။ 

အဲဒီတိုက်ခိုက်မှုဟာ သံရုံးဝင်းအတွင်းမှာ ဖြစ်ပွားခဲ့တာ မဟုတ်ဘဲ အမေရိကန်ပြည်ထောင်စုရှိ တခြားသံရုံးတွေလည်း အများအပြား ရှိနေပြီး ရဲအစောင့်တွေ ထူထူထပ်ထပ် ချထားတဲ့ နယ်မြေ တခုမှာ ဖြစ်ပါတယ်။ 

တိုက်ခိုက်မှုနဲ့ ပတ်သက်ပြီး စုံစမ်းစစ်ဆေးမှုတွေ လုပ်ဆောင်နေကြောင်း ထုတ်ပြန်ချက်မှာ ဖော်ပြထားပါတယ်။ 

ဒီတိုက်ခိုက်မှုကို ရိုက်ကူးမိထားတဲ့ ဗီဒီယို ၂ ခု ရှိပြီး အဲဒီဗီဒီယိုတွေမှာ ဈေးဆိုင်ဆိုင်းဘုတ်တွေဟာ အွန်လိုင်းမြေပုံတွေနဲ့ နေရာဒေသ ကိုက်ညီမှုရှိကြောင်း ရိုက်တာက အတည်ပြုနိုင်ခဲ့ပါတယ်။ 

ဗီဒီယို ၂ ခုစလုံးထဲမှာ ဓားနဲ့ထိုးနေသူဟာ တူညီတဲ့ အဝတ်အစားကို ဝတ်ဆင်ထားပြီး ထိပ်ပြောင် နေတဲ့ အမျိုးသားဖြစ်ပြီး အဲဒီဗီဒီယို ၂ ခုစလုံးဟာ တနေရာတည်းမှာပဲ ရှင်းရှင်းလင်းလင်း ရိုက်ကူးထားတာဖြစ်ပါတယ်။ 

ဗီဒီယိုထဲမှာတော့ ရဲအရာရှိတဦးဟာ သူ့ကိုယ်သူ ရှင်းယွမ်လိ ရဲစခန်းရဲ့ ရဲတပ်ဖွဲ့ဝင် ဖြစ်ကြောင်း ပြောနေတာကို ကြားနိုင်ပါတယ်။ အဲဒီရဲစခန်းဟာ ပေကျင်း အရှေ့မြောက်ပိုင်းက သံရုံးနယ်မြေမှာ တည်ရှိပါတယ်။ 

Source/Photo-Reuters