ဒီစီယူနိုက်တက်အသင်းဟာ နည်းပြချုပ်ဖြစ်သူ ဝိန်းရွန်နီနဲ့ နှစ်ဖက်သဘောတူ လမ်းခွဲကြဖို့အတွက် ဆုံးဖြတ်ခဲ့တယ်လို့ အောက်တိုဘာ ၇ ရက်မှာ မေဂျာလိဂ် ဘောလုံးကလပ်အနေနဲ့ ကြေညာခဲ့ပါတယ်။
၂၀၁၈-၁၉ ခုနှစ်အကြား ဒီစီယူနိုက်တက်အသင်းအတွက် ကစားပေးခဲ့ဖူးတဲ့ အသက် ၃၇ နှစ်အရွယ် တိုက်စစ်မှူးဟောင်းဟာ ၂၀၂၂ ခုနှစ်ရဲ့ ဇူလိုင်လမှာတော့ အသင်းနည်းပြအဖြစ် စတင် တာဝန်ယူခဲ့ပါတယ်။
အဲ့ဒီနောက် ပြီးခဲ့တဲ့စနေနေ့ အစောပိုင်းတုန်းက နယူးယောက်ခ်စီးတီးအသင်းနဲ့ ယှဉ်ပြိုင်ကစားခဲ့ရာမှာ ဒီစီယူနိုက်အသင်းက ၂ ဂိုး ဂိုးမရှိနဲ့ အနိုင်ရရှိခဲ့ပြီး အဆင့် ၉ အဖြစ် ရမှတ်ပေါင်း ၄၀နဲ့အတူ ရာသီကုန်ဆုံးခဲ့ပါတယ်။
ဒါပေမဲ့ MLS ဖလားအတွက် ရှုံးထွက်အဆင့်ပွဲစဉ်တွေကို ဒီစီယူနိုက်တက်အသင်းက ၄ နှစ် ဆက်တိုက် လွဲချော်နေခဲ့တာ ဖြစ်ပါတယ်။
ဒီပွဲပြီးဆုံးသွားချိန်မှာ ရွန်နီကတော့ ဒီစီယူနိုက်တက်ကို ရှုံးထွက်အဆင့်အထိ ရောက်ရှိဖို့ “တတ်နိုင်သမျှ ကြိုးပမ်းခဲ့ပြီးပြီ” ဖြစ်တာကြောင့် ကိုယ့်လမ်းအတိုင်းလျှောက်ကြဖို့ “အချိန်တန်ပြီ” လို့ မှတ်ချက်ပေးပါတယ်။ ဝိန်းရွန်နီဟာ အင်္ဂလန်လက်ရွေးစင်ဟောင်း ဖြစ်သလို မန်ချက်စတာယူနိုက်တက်အသင်းရဲ့ ဂန္ထဝင်ကစားသမားလည်း ဖြစ်ပါတယ်။ ဒါ့အပြင် အင်္ဂလန်တတိယတန်း ကလပ်တခုဖြစ်တဲ့ ဒါဘီကောင်တီအသင်းကိုပါ ရွန်နီက ၂ နှစ်ကြာ ကိုင်တွယ်ခဲ့ဖူးပါတယ်။
Source/Photo-Reuters
