တူရကီလေတပ်ဟာ အောက်တိုဘာ ၃ ရက်က အီရတ်မြောက်ပိုင်းမှာ လေကြောင်းကနေ တိုက်ခိုက်ခဲ့ပြီး တရားမဝင် ကာဒစ်စတန် အလုပ်သမားပါတီ (PKK) ရဲ့ ပစ်မှတ် ၁၆ ခုကို ဖျက်ဆီးခဲ့တယ်လို့ တူရကီ ကာကွယ်ရေးဝန်ကြီးဌာနကို ကိုးကားပြီး ရိုက်တာသတင်းဌာနက အောက်တိုဘာ ၄ ရက်မှာ ထုတ်ပြန်ပါတယ်။

စစ်ဆင်ရေးတွေကို အီရတ်မြောက်ပိုင်းက မေတီနာ၊ ဂါရာ၊ ဟာကွပ်၊ ကန်ဒီနဲ့ အေးစို့စ် ဒေသတွေမှာ ည ၈ နာရီက တိုက်ခိုက်ခဲ့တာလို့ ဝန်ကြီးဌာနက ပြောပါတယ်။

အရပ်သားတွေနဲ့ သဘာဝပတ်ဝန်းကျင်ကို မထိခိုက်အောင် လုပ်ဆောင်ချက်အားလုံးကို ရှောင်ရှား ဆောင်ရွက်ခဲ့တယ်လို့လည်း ပြောပါတယ်။

PKK က တာဝန်ရှိတယ်လို့ အခိုင်အမာပြောထားတဲ့ တူရကီမြို့တော် အန်ကာရာက တူရကီအစိုးရ အဆောက်အဦတွေရှေ့မှာ တနင်္ဂနွေနေ့က ဗုံးခွဲတိုက်ခိုက်မှုအပြီး တူရကီလေတပ်က တုံ့ပြန်တဲ့အနေနဲ့ ခုလို လေကြောင်းကနေ တိုက်ခိုက်ခဲ့တာလည်း ဖြစ်ပါတယ်။

Source/Photo-Reuters