ထိုင်းနိုင်ငံ မြို့တော် ဘန်ကောက်ရှိ ဆယမ်ပါရာဂွန် (Siam Paragon) ကုန်တိုက်မှာ ပစ်ခတ်မှုဖြစ်ပွားခဲ့ပြီး လူ ၃ ယောက် သေဆုံးကာ တခြားသူ ၃ ဦး ဒဏ်ရာရရှိခဲ့ကြောင်း အရေးပေါ်ဝန်ဆောင်မှုဌာနက အောက်တိုဘာ ၃ ရက်မှာ ပြောကြားခဲ့ပါတယ်။

ထိုင်းရဲတပ်ဖွဲ့က သူတို့ဟာ ဘန်ကောက်မြို့တော်ရှိ ဇိမ်ခံကုန်တိုက်တခုမှာ ပစ်ခတ်မှု ဖြစ်ပွားပြီးနောက် အသက် ၁၄ နှစ်အရွယ် သံသယရှိသူ သေနတ်သမားတဦးကို ဖမ်းဆီးလိုက်ကြောင်းနဲ့ အရေးပေါ်ဌာနက ပြောကြားချက်အရ လူ ၃ ဦး သေဆုံးကာ ၄ ဦး ဒဏ်ရာရရှိသွားကြောင်း ပြောပါတယ်။

မြို့တော်ရဲတပ်ဖွဲ့ စုံထောက်ဌာနရဲ့ ဖေ့စ်ဘွတ်ခ်စာမျက်နှာမှာ သေနတ်သမားလို့ သံသယရှိသူ အသက် ၁၄ နှစ်အရွယ် လူငယ်တဦးကို ဖမ်းဆီးထားပြီး ဆယမ် ပါရာဂွန် ဈေးဝယ်ကုန်တိုက်မှာ ဖြစ်ပွားခဲ့မှုနဲ့ပတ်သက်ပြီး စစ်ဆေးမေးမြန်းနေကြောင်း ရေးသားထားပါတယ်။

Source-Reuters, Photo-Khaosod