၁၉ ကြိမ်မြောက် အာရှအားကစားပြိုင်ပွဲ အမျိုးသမီးဘောလုံးပြိုင်ပွဲ အုပ်စုအဖွင့်ပွဲစဥ်ကို တရုတ်နိုင်ငံ ဟန်ကျိုးမြို့မှာ စက်တင်ဘာ ၂၂ ရက်က ယှဥ်ပြိုင်ကစားခဲ့ရာ မြန်မာ ယူ-၂၃ အမျိုးသမီးအသင်းက တောင်ကိုရီးယား ယူ-၂၃ အမျိုးသမီးအသင်းကို ၃ ဂိုးပြတ်နဲ့ ရှုံးနိမ့်ခဲ့ပါတယ်။
တောင်ကိုရီးယားအမျိုးသမီးအသင်းဟာ အာရှအင်အားကြီးအသင်းပီပီ မြန်မာအသင်းကို ဂိုးပေါက် တကြိမ်မှ ခွင့်မပြုပေးရတဲ့အထိ တဖတ်သက် ဖိကစားခဲ့ပြီး ဂိုးသွင်းမသေချာတာကြောင့်သာ ၃ဂိုး သာ သွင်းယူနိုင်ခဲ့တာဖြစ်ပါတယ်။
အုပ်စုအတွင်း တခြားပွဲစဥ်ဖြစ်တဲ့ ဖိလစ်ပိုင်အသင်းနဲ့ ဟောင်ကောင်အသင်းတို့ ပွဲစဥ်မှာ ဖိလစ်ပိုင် အသင်းက ၃ ဂိုး ၁ ဂိုး နဲ့ အနိုင်ရရှိခဲ့ပါတယ်။
အာရှအားကစားအမျိုးသမီးဘောလုံးပြိုင်ပွဲတွင် အုပ်စု ၅ ခုမှ ပထမရ ၅ သင်းနဲ့ အကောင်းဆုဒုတိယ ၃သင်းတို့သာ နောက်တဆင့်ကို တက်ရောက်နိုင်မှာဖြစ်ပါတယ်။
မြန်မာအမျိုးသမီးအသင်းဟာ အုပ်စုဒုတိယမြောက်ပွဲစဥ်အဖြစ် ဟောင်ကောင်အမျိုးသမီးအသင်းနဲ့ စက်တင်ဘာ ၂၅ မြန်မာစံတော်ချိန် မွန်းလွဲ ၂နာရီခွဲမှာ ကစားသွားမှာဖြစ်ပါတယ်။
