လက်ရှိအချိန်မှာ စပါးအသင်းရဲ့ ခြေစွမ်း ကောင်းမွန်လာတဲ့အပေါ် အာဆင်နယ်အသင်းဘက်က ကြောက်ရွံ့နေလိမ့်မယ်လို့ အသင်းခေါင်းဆောင် ဆွန်ဟောင်မင်က ပြောသွားပါတယ်။
စပါးအသင်းဟာ ဒီတစ်ပတ် တနင်္ဂနွေနေ့မှာ အာဆင်နယ်အသင်းရဲ့ အိမ်ကွင်းမှာ သွားရောက် ရင်ဆိုင်ရမှာပါ။
အဝေးကွင်းပွဲစဉ် တိုင်းက ခက်ခဲမှာဖြစ်ပြီး မနှစ်ကရာသီတုန်းက အာဆင်နယ်နဲ့ တွေ့ဆုံစဉ်က လည်း ခက်ခဲခဲ့ကြောင်း ဆွန်ဟောင်မင်က ပြောပါတယ်။
“ဒီပွဲက အမှန်တကယ်ခက်ခဲတဲ့ပွဲစဉ်ဖြစ်လာမှာပါ။ ဒါပေမဲ့ သူတို့ ဘက်က ဒီလိုအချိန်မှာ ကျနော်တို့ အသင်းနဲ့ တွေ့ဆုံချင်မှာတော့မဟုတ်ဘူး။ ကျနော်တို့က အစွမ်းကုန် ပေးဆပ်ကစားမှာဖြစ်ပြီး ဒီအချိန်ဟာသူတို့နဲ့ ကစားဖို့ အချိန်ကောင်းလည်းဖြစ်ပါတယ်။ ပွဲကောင်းတစ်ပွဲ ဖြစ်လာလိမ့်မယ်။”
အာဆင်နယ်နဲ့ စပါးအသင်းတို့ဟာ ပွဲစဉ် ၅ ပွဲအပြီးမှာ ၄ ပွဲနိုင်၊ ၁ ပွဲသရေ ရလဒ်တွေရရှိထားပြီး စပါးအသင်းက ဂိုးကွာခြားချက်အသာနဲ့ အဆင့် ၂ နေရာမှာရပ်တည်နေတာ ဖြစ်ပါတယ်။
Photo-Reuters
