ဗီယက်နမ်နိုင်ငံ၊ ဟိုချီမင်းမြို့မှာကျင်းပတဲ့ ၂၄ ကြိမ်မြောက် ၂၀၂၃ ဗီယက်နမ်အိုးပင်း ကြက်တောင်ပြိုင်ပွဲ ၃၂ ဦးအဆင့်မှာ မြန်မာကြက်တောင်မယ် သက်ထားသူဇာဟာ အိန္ဒိယကြက်တောင်မယ် ဂတ်ဒီရှီဗာနီကို ၂ ပွဲပြတ်နဲ့ အနိုင်ယူပြီး နောက်တဆင့် တက်ရောက်နိုင်ခဲ့ပါတယ်။

ကမ္ဘာ့အဆင့် ၅၀ ရှိတဲ့ သက်ထားသူဇာဟာ ကမ္ဘာ့အဆင့် ၇၁ ရှိတဲ့ အိန္ဒိယကြက်တောင်မယ်ကို ၂၁-၈၊ ၂၁-၁၅ နဲ့ အနိုင်ယူပြီး ၁၆ ဦးအဆင့် တက်ရောက်နိုင်ခဲ့ပါတယ်။

သက်ထားသူဇာဟာ ၁၆ ဦးအဆင့်မှာ ကမ္ဘာ့အဆင့် ၈၁ ရှိတဲ့ အိန္ဒိယကြက်တောင်မယ် အဒီတီဘဟ်နဲ့ စက်တင်ဘာ ၁၄ ရက်မှာ ယှဥ်ပြိုင်သွားရမှာ ဖြစ်ပါတယ်။

၂၀၂၃ ဗီယက်နမ်အိုးပင်း ကြက်တောင်ပြိုင်ပွဲဟာ ဗီယက်နမ်ကြက်တောင်အသင်းက ဦးစီးကျင်းပတဲ့ ပြိုင်ပွဲဖြစ်ပြီး ဆုကြေးစုစုပေါင်း အမေရိကန်ဒေါ်လာ ၁၀၀,၀၀၀ ချီးမြှင့်သွားမှာ ဖြစ်ပါတယ်။

အခုယှဥ်ပြိုင်မယ့်ပြိုင်ပွဲဟာ သက်ထားသူဇာအတွက် ၂၀၂၃ ခုနှစ်အတွင်း ၁၆ ခုမြောက် ပြိုင်ပွဲဖြစ်ပြီး မောရစ်သျှ ကြက်တောင်ပြိုင်ပွဲမှာ ကြေးတံဆိပ်ဆု ရရှိခဲ့ပါတယ်။

Photo-Thet Htar Thuzar Facebook