အင်ဒိုနီးရှားနိုင်ငံမှာ စက်တင်ဘာ ၆ ရက်က ကျင်းပတဲ့ အင်ဒိုနီးရှားမာစတာ ကြက်တောင်ပြိုင်ပွဲ ၃၂ ဦးအဆင့်မှာ မြန်မာကြက်တောင်မယ် သက်ထားသူဇာဟာ အင်ဒိုနီးရှား ကြက်တောင်မယ် စတီဖန်နီကို ၂ ပွဲ ၁ ပွဲနဲ့ ရှုံးနိမ့်ခဲ့ပါတယ်။

ကမ္ဘာ့အဆင့် ၄၇ ရှိတဲ့ မြန်မာကြက်တောင်မယ် သက်ထားသူဇာဟာ ကမ္ဘာ့အဆင့် ၁၀၀ ရှိတဲ့ အင်ဒိုနီးရှား ကြက်တောင်မယ်ကို ပထမပွဲမှာ အနိုင်ရရှိခဲ့ပေမဲ့ နောက်ဆုံး ၂ ပွဲဆက် ပြန်လည်ရှုံးနိမ့်ခဲ့တာကြောင့် ပြိုင်ပွဲက ထွက်ခွာခဲ့ရပါတယ်။

သက်ထားသူဇာနဲ့ အင်ဒိုနီးရှားကြက်တောင်မယ်တို့ ပွဲစဥ်အလိုက် ရမှတ်တွေကတော့ ၂၁-၁၆၊ ၂၀-၂၂၊ ၁၉-၂၁ တို့ ဖြစ်ပါတယ်။

သက်ထားသူဇာဟာ သြဂုတ် ၂၄ ရက်က ကစားခဲ့တဲ့ ဒိန်းမတ်ကမ္ဘာ့ချန်ပီယံရှစ် ပြိုင်ပွဲမှာလည်း ၁၆ ဦးအဆင့်ကနေပဲ ထွက်ခွာခဲ့ရပါတယ်။

အခုပြိုင်ပွဲဟာ သက်ထားသူဇာအတွက် ၂၀၂၃ ခုနှစ်အတွင်း ၁၅ ခုမြောက် ပြိုင်ပွဲဖြစ်ပြီး မောရစ်သျှ ကြက်တောင်ပြိုင်ပွဲမှာ ကြေးတံဆိပ်ဆု ရရှိခဲ့ပါတယ်။

Photo-Thet Htar Thuzar Facebook