ဘလွန်းဒီအောဆု ဆန်ခါတင်စာရင်းမှာ အာဆင်နယ်ဂိုးသမား ရမ်စ်ဒေးက ပထမဆုံးအကြိမ် ပါဝင်လာခဲ့ပါတယ်။
ယာရှင်ဆုဖလားလို့ ခေါ်ကြတဲ့ ဘလွန်းဒီအော ကမ္ဘာ့အကောင်းဆုံးဂိုးသမားဆု ဆန်ခါတင် စာရင်းမှာ ဂိုးသမား ၁၀ ဦးပါဝင်လာခဲ့တာပါ။
အာဆင်နယ်အသင်းဟာ မနှစ်ကရာသီမှာ မန်စီးတီးနဲ့အပြိုင် ပရီးမီးယားလိဂ်ချန်ပီယံဆုကို စိန်ခေါ်နိုင်ခဲ့သလို ဂိုးသမား ရမ်စ်ဒေးရဲ့ လက်စွမ်းပြမှုတွေကြောင့် ဆန်ခါတင်စာရင်းမှ ပါဝင်လာခဲ့တာပါ။
ရမ်စ်ဒေးနဲ့အတူ မန်ယူဂိုးသမား အိုနာနာ၊ အက်စ်တန်ဗီလာ ဂိုးသမား မာတီနက်ဇ်၊ မန်စီးတီးဂိုးသမား အီဒါဆန်တို့လည်းပါဝင်ပါတယ်။
ဒါ့အပြင် အေစီမီလန်က မိန်းညန်၊ အယ်လ်ဟီလယ်ဆီ ပြောင်းရွှေ့သွားတဲ့ ဆီဗီလာဂိုးသမား ဘိုနူ၊ လန်းစ်က ဆမ်ဘာ၊ ရီးယဲလ်မက်ဒရစ်က ကော့တိုရစ်၊ ဖီနာဘာချီဂိုးသမား လီဗာကိုဗစ်၊ ဘာစီလိုနာက တာစတီဂျန် တို့ပါဝင်ခဲ့ပါတယ်။
ပြီးခဲ့တဲ့နှစ် အကောင်းဆုံးဂိုးသမားဆုကိုတော့ ရီးရဲလ်မက်ဒရစ်ဂိုးသမား ကော့တိုရစ်က ရယူနိုင်ခဲ့ တာဖြစ်ပါတယ်။
Photo - Reuters
