အိုင်းယက်စ်ကြယ်ပွင့် ကူဒက်စ်ကို ပေါင် ၃၈ သန်းပေးပြီး ဝက်စ်ဟမ်းအသင်း ခေါ်ယူစာချုပ်
DVB
·
August 26, 2023
ဝက်စ်ဟမ်းအသင်းဟာ ဟော်လန်ကလပ် အိုင်းယက်စ်ကြယ်ပွင့် မိုဟာမက်ကူဒက်စ်ကို ပေါင် ၃၈ သန်းနဲ့ ခေါ်ယူနိုင်တော့မှာပါ။
သူ့ကို ဝက်စ်ဟမ်းအသင်းက ၅ နှစ်စာချုပ် ချုပ်ဆိုမှာဖြစ်ပြီး သြဂုတ် ၂၆ ရက်မှာ ဆေးစစ်မှုခံယူသွားမှာဖြစ်တယ်လို့ သိရပါတယ်။
ဂါနာ ကစားသမားကူဒက်စ်ဟာ လူဒိုဂိုရက်စ်နဲ့ ကစားခဲ့တဲ့ ယူရိုပါလိဂ်ပလေးအော့ဖ်မှာ ဟတ်ထရစ်သုံးဂိုး သွင်းယူနိုင်ခဲ့ပါသေးတယ်။
သူဟာ ဝက်စ်ဟမ်းအသင်းရဲ့ စတုတ္ထမြောက်ခေါ်ယူသူဖြစ်ပြီး အယ်လ်ဗာရက်ဇ်၊ ဝက်ပရောက်စ်နဲ့ မာဘရိုပန်းနို့စ် တို့ကိုလည်း ခေါ်ယူအားဖြည့်ခဲ့ပါတယ်။
အသက် ၂၃ နှစ်ရှိ ကူဒက်စ်ဟာ အိုင်းယက်စ်လူငယ် စီမံကိန်းကနေ ထွက်ပေါ်လာသူဖြစ်ပြီး စုစုပေါင်း ၈၇ ပွဲမှာ ၂၇ ဂိုးရရှိခဲ့ပါတယ်။
