အိန္ဒိယနိုင်ငံပိုင် ချန်ဒရာယန်-၃ လပေါ်သွားယာဉ်ဟာ လကမ္ဘာရဲ့ တောင်ဝင်ရိုးစွန်း မျက်နှာပြင်ပေါ် အောင်အောင်မြင်မြင်ဆင်းသက်နိုင်ပြီးနောက်မှာ ဆက်လက် စူးစမ်းရှာဖွေနေပါတယ်။
သြဂုတ် ၂၄ ရက်အတွင်း အာကာသယာဉ်ကနေ ထွက်ခွာလာခဲ့တဲ့ စူးစမ်းရေးယာဉ်ဟာ စမ်းသပ်မှုတွေ စတင်ပြုလုပ်တော့မှာဖြစ်တယ်လို့ အိန္ဒိယအာကာသသုတေသနအဖွဲ့ (ISRO) အနေနဲ့ အတည်ပြုပါတယ်။
ISRO ဟာ လမျက်နှာပြင်ပေါ် သွားလာနေတဲ့ စူးစမ်းရေးယာဉ်ရဲ့ ပထမဆုံးသော ခြေလှမ်းတွေကို အရင်က တွစ်တာလို့ သိထားကြတဲ့ X ဆိုရှယ်မီဒီယာ ပလက်ဖောင်းပေါ်မှာ ပို့စ်တင်ခဲ့ပါတယ်။
ဒီလို စူးစမ်းရှာဖွေမှုတွေ မပြုလုပ်ရသေးတဲ့ လရဲ့ တောင်ဝင်ရိုးစွန်းမှာ အိန္ဒိယ အာကာသယာဉ်ဟာ သြဂုတ် ၂၃ ရက်က ဆင်းသက်နိုင်ခဲ့တာ ဖြစ်ပါတယ်။
အလားတူ မစ်ရှင်တခုမှာတော့ ရုရှားနိုင်ငံရဲ့ လူနာ-၂၅ အာကာသယာဉ်က မအောင်မြင်ဘဲ ပျက်ကျခဲ့ပါတယ်။
၂၀၁၉ ခုနှစ်မှာ အိန္ဒိယနိုင်ငံရဲ့ လကမ္ဘာပေါ် ဆင်းသက်နိုင်ရေး ကြိုးပမ်းမှုတခု ကျရှုံးခဲ့ပြီးနောက် ဒီတခေါက် ညင်သာစွာ ဆင်းသက်နိုင်မှုက စံနမူနာ ဖြစ်လာခဲ့ပါတယ်။ ဒီမစ်ရှင်ကြောင့် အိန္ဒိယနိုင်ငံမှာ တနိုင်ငံလုံး အတိုင်းအတာနဲ့ ဂုဏ်ယူဝမ်းမြောက်စွာ အောင်ပွဲခံခဲ့ကြပါတယ်။
Source - Reuters
