ဒိန်းမတ်နိုင်ငံ၊ ကိုပင်ဟေဂင်မြို့မှာ သြဂုတ် ၂၄ ရက်က ယှဥ်ပြိုင်ကစားခဲ့တဲ့ ဒိန်းမတ် ကမ္ဘာ့ချန်ပီယံရှစ် ၁၆ သင်းအဆင့်မှာ မြန်မာကြက်တောင်မယ် သက်ထားသူဇာဟာ စပိန်ကြက်တောင်မယ် ကာရိုလီနာမာရင်ကို ၂ ပွဲပြတ်နဲ့ ရှုံးနိမ့်ခဲ့ပါတယ်။

ကမ္ဘာ့အဆင့် ၆၁ ရှိတဲ့ သက်ထားသူဇာဟာ ကမ္ဘာ့အဆင့် ၆ ရှိတဲ့ စပိန်ကြက်တောင်မယ်ကို ၁၀-၂၁၊ ၁၈-၂၁ နဲ့ ရှုံးနိမ့်ပြီး ပြိုင်ပွဲကနေ ထွက်ခွာခဲ့ရပါတယ်။

အခုပြိုင်ပွဲဟာ သက်ထားသူဇာအတွက် ၂၀၂၃ ခုနှစ်အတွင်း ၁၄ ခုမြောက် ပြိုင်ပွဲဖြစ်ပြီး မောရစ်သျှ ကြက်တောင်ပြိုင်ပွဲမှာ ကြေးတံဆိပ်ဆု ရရှိခဲ့ပါတယ်။

သက်ထားသူဇာဟာ ဇူလိုင် ၂၈ ရက်မှာ ကစားခဲ့တဲ့ စိန်ဒန်းနစ်အိုးပင်း ကြက်တောင်ပြိုင်ပွဲမှာလည်း ၁၆ သင်းအဆင့်ကနေပဲ ထွက်ခွာခဲ့ရပါတယ်။

သက်ထားသူဇာဟာ စက်တင်ဘာ ၅ ရက်ကနေ ၁၀ ရက်အထိ ကျင်းပမယ့် ၂၀၂၃ အင်ဒိုနီးရှား မာစတာ ကြက်တောင်ပြိုင်ပွဲကို ဝင်ရောက်ယှဥ်ပြိုင်သွားမှာ ဖြစ်ပါတယ်။

Photo - Thet Htar Thuzar Facebook