အိန္ဒိယအာကာသ သုတေသနအဖွဲ့ (ISRO) က လရဲ့ တောင်ဝင်ရိုးစွန်းကို ဆင်းသက်လာတဲ့ သူ့ရဲ့ အာကာသယာဉ်ကနေ ရိုက်ကူးထားတဲ့ လမျက်နှာပြင်ရဲ့ ဓာတ်ပုံတွေကို သြဂုတ် ၂၃ ရက်က မျှဝေခဲ့ပါတယ်။
ချန်ဒရာယန်-၃ အာကာသယာဉ်ဟာ ကြမ်းတမ်းပြီး မစူးစမ်းရသေးတဲ့ ဧရိယာပေါ်မှာ ငြင်ငြင်သာသာ ဆင်းသက်နိုင်ခဲ့တာပါ။
အိန္ဒိယရဲ့ အာကာသစွမ်းအင်အဖြစ် ရပ်တည်နေတဲ့ စစ်ဆင်ရေးတခုအတွင်း လကမ္ဘာအကြောင်း စူးစမ်းရှာဖွေဖို့လည်း ဖြစ်ပါတယ်။
အိန္ဒိယ အာကာသယာဉ်ဟာ အလားတူ ရုရှားအာကာသယာဉ် လကမ္ဘာရဲ့ မျက်နှာပြင်ပေါ် ပျက်ကျပြီး ရက်ပိုင်းအကြာမှာ လကမ္ဘာရဲ့ မျက်နှာပြင်ပေါ်ကို ဆင်းသက်နိုင်ခဲ့တာပါ။
ချန်ဒရာယန်-၃ အာကာသယာဉ် ဆင်းသက်မှုကြောင့် အိန္ဒိယဟာ အမေရိကန်၊ တရုတ်နဲ့ ရုရှားပြီးရင် လပေါ် အောင်အောင်မြင်မြင် ဆင်းသက်နိုင်တဲ့ စတုတ္ထမြောက်နိုင်ငံ ဖြစ်လာခဲ့ပါတယ်။
ချန်ဒရာယန်-၃ ဟာ လမျက်နှာပြင်မှာ သတ္တုပါဝင်မှုဆိုင်ရာ ရောင်စဉ်တိုင်း ကိရိယာ ခွဲခြမ်းစိတ်ဖြာမှု အပါအဝင် စမ်းသပ်မှု အမြောက်အမြားကို လုပ်ဆောင်နေပြီး နှစ်ပတ်ကြာအောင် ဆက်လုပ်နိုင်ဖို့ မျှော်လင့်ရပါတယ်။
လကမ္ဘာကို လေ့လာစူးစမ်းရေးအတွက် အတိမ်းအစောင်းမခံတဲ့ စစ်ဆင်ရေးအဖြစ် မလေ့လာဘူးသေးတဲ့ လရဲ့ တောင်ဝင်ရိုးစွန်းကို အိန္ဒိယအာကာသယာဉ်က ပထမဆုံး ဆင်းသက်နိုင်ခဲ့လို့ အိန္ဒိယနိုင်ငံတဝန်း ပြည်သူတွေဟာ ဩဂုတ် ၂၃ ရက်က အောင်ပွဲခံခဲ့ကြပါတယ်။
မတူတဲ့မြို့တွေမှာ ဒေသခံတွေက ကခုန်ရင်း အိန္ဒိယအလံတွေကို ဝှေ့ယမ်းရင်း ဗုံတွေတီးရင်း မီးပန်းတွေ ပစ်ဖောက်ခဲ့ကြပါတယ်။
ရုရှားရဲ့ လူနာ-၂၅ စစ်ဆင်ရေး ကျရှုံးပြီးတဲ့နောက် သီတင်းတပတ်တောင် မကြာခင်မှာ လပေါ်ကို အာကာသယာဉ်ဆင်းသက်ဖို့ အိန္ဒိယက ဒုတိယအကြိမ် ကြိုးစားခဲ့တာပါ။
လပေါ် အိန္ဒိယအာကာသယာဉ် ဆင်းသက်နေချိန်မှာ နိုင်ငံတလွှားက ပြည်သူတွေ ရုပ်သံ မျက်နှာပြင်တွေမှာ စောင့်ကြည့်နေခဲ့ကြပြီး လမျက်နှာပြင်ဆီ အာကာသယာဉ် ချဉ်းကပ်လာနေချိန်မှာတော့ ဆုတောင်းနေခဲ့ကြပါတယ်။
ချန်ဒရာယန်-၃ အာကာသယာဉ်ဟာ လမျက်နှာပြင်ပေါ်က သတ္တုပါဝင်မှုကို ရောင်စဉ်တိုင်း ကိရိယာနဲ့ အကဲဖြတ်တာ အပါအဝင် စမ်းသပ်ချက် အများအပြားကို ဆောင်ရွက်ရင်း လရဲ့ မျက်နှာပြင်ပေါ်မှာ သီတင်း ၂ ပတ်ကြာ ဆက်လုပ်ဖို့ မျှော်လင့်ထားပါတယ်။
Source - Reuters
