မွန်ပြည်နယ်၊ သိမ်ဇရပ်မြို့အနီးက ရွာတွေကို တော်လှန်ရေးအင်အားစုတွေ ပူးပေါင်းပြီး သြဂုတ် ၁၈ ရက်နေ့က နယ်မြေစိုးမိုးရေးနဲ့ စစ်ဆေးရေးလုပ်ခဲ့တယ်လို့ KYAIKHTO REVOLUTION FORCE(KRF) ရဲ့ ထုတ်ပြန်ချက်အရသိရပါတယ်။

သိမ်ဇရပ်မြို့အနီးက ကမ်းနီ တိုးဂိတ်၊ ပုဂံဘုရား၊ သထုံစု၊ ကျောက်ကလပ်၊ ပေရှစ်ဆယ်နဲ့ သိမ်ဇရပ်မြို့အဝင်တို့ကို  မနက် ၇ နာရီကနေ ၁၁ နာရီအထိ စစ်ဆေးခဲ့ပြီး ပြည်သူတွေကလည်း တက်တက်ကြွကြွ ပူးပေါင်းပါဝင်စစ်ဆေးခံခဲ့တယ်လို့ ဆိုပါတယ်။

ABSDF က တာဝန်ရှိသူ တယောက်က “မဟာမိတ်အဖွဲ့တွေပူးပေါင်းပြီးစစ်ဆေးခဲ့တာပါ။ နှစ်နေရာခွဲ စစ်ပါတယ်။ ဒီနယ်မြေကို စိုးမိုးနိုင်တယ်ဆိုတာ ပြတဲ့သဘောလေးပါ။ ကိုယ့်ကို ထောက်ခံအားပေးတဲ့သူလည်းရှိသလို မုန်းတဲ့သူလည်းရှိမှာပါ။ ထွေထွေထူးထူးမရှိပါဘူး” လို့ ပြောပါတယ်။

ပူးပေါင်းစစ်ဆေးရာမှာ KNU/KNLA၊ KRF၊ ABSDF၊ ဝံပလွေနက်စစ်ကြောင်းအဖွဲ့၊ ကျိုက်ထိုပကဖ တို့ ပူးပေါင်းပါဝင်ခဲ့တာ ဖြစ်ပါတယ်။