ပူးတွဲခွဲစိတ်မှုတွေအတွက် စောင့်ဆိုင်းနေတဲ့ ရာချီတဲ့လူနာတွေကို ကူညီဖို့နဲ့ ဒေသန္တရ ဆရာဝန်တွေကို လေ့ကျင့်သင်ကြားပေးဖို့ အမေရိကန် အရိုးအထူးကုဆရာဝန်အဖွဲ့တဖွဲ့ ဂါဇာကမ်းမြောင်ဆီ ရောက်လာပါတယ်။

အမေရိကန်အခြေစိုက် အကျိုးအမြတ်မယူတဲ့ အဖွဲ့အစည်း ဖှာဂျာ ဆိုင်းယန့်တစ်ဖစ်ရဲ့ ဥက္ကဋ္ဌ ခါလဒ် ဆာလေးက ဒီခရီးစဉ်ဟာ ပြင်းထန်တဲ့ အဆစ်ပြဿနာတွေနဲ့ နာတာရှည် နာကျင်ကိုက်ခဲမှု ဝေဒနာရှင်တွေအပြင် ဘီးတပ်ကုလားထိုင် သုံးနေရသူတွေ ဒါမှမဟုတ် လမ်းလျှောက်ဖို့ တုတ်ကောက်ကို သုံးနေရသူတွေကို ကူညီပေးမယ်လို့ ပြောခဲ့ပါတယ်။

ဒီခရီးစဉ်ဟာ ပြည်တွင်းခွဲစိတ်ဆရာဝန်တွေကို လေ့ကျင့်ပေးနေရင်း ငါးရက်အတွင်း လူနာ ၁၅၀ ကို ခွဲစိတ်ဖို့နဲ့ ဒေါ်လာ ၄ သန်း တန်ဖိုးရှိတဲ့ အရေးကြီး ကိရိယာတွေကို လှူဒါန်းဖို့ပါ။

စီးပွားရေးပိတ်ဆို့မှုတွေနဲ့ နှစ်ပေါင်းများစွာ ပိတ်ဆို့ထားမှုတွေကြောင့် အစ္စလာမ္မစ် လှုပ်ရှားမှုအဖွဲ့ ဟားမတ်စ် ထိန်းချုပ်ထားတဲ့ ကမ်းရိုးတန်းနယ်မြေဖြစ်တဲ့ ဂါဇာကမ်းမြောင်ဒေသရဲ့ စီးပွားရေးကို အားနည်းစေပြီး အရိုးခွဲစိတ်ကုသဖို့ အချိန်အတော်ကြာ စောင့်ဆိုင်းနေခဲ့ရတာပါ။ ကျန်းမာရေးစနစ်မှာ အဓိက ယိုပေါက်ဟာကွက်တွေကို ဖြစ်စေခဲ့ပါတယ်။

အသက် ၅၇ နှစ်အရွယ် ဟာလီမာ အဘူ ဟေးယာက ဂါဇာအပြင်ဘက်မှာ စျေးကြီးတဲ့ ကုသမှုကို မတတ်နိုင်လို့ ဒူးဆစ်အစားထိုးဖို့ သုံးနှစ်စောင့်ခဲ့ရတယ်လို့ ပြောပါတယ်။

ခွဲစိတ်မှုအပြီး ကလေး လေးဦးရဲ့ မိခင်က နာကျင်မှုမရှိဘဲ မကြာမီ လမ်းလျှောက်နိုင်ဖို့ မျှော်လင့်ထားတယ်လို့ ပြောခဲ့ပါတယ်။

Source - Reuters