မနေ့ညက ကန်သွားတဲ့ ကွန်မြူနတီဒိုင်းဘောလုံးပြိုင်ပွဲမှာ ချန်ပီယံဖြစ်ခဲ့တာဟာ အာဆင်နယ်က မန်စီးတီးကို အနိုင်ယူနိုင်တယ်လို့ ကြေညာနိုင်လိုက်တာဖြစ်တယ်လို့ ဂိုးသမားရမ်စ်ဒေးလ် ကပြောပါတယ်။
ရာသီအကြို ကွန်မြူနတီဒိုင်းပွဲစဉ်အဖြစ် မနေ့ညက အာဆင်နယ်နဲ့ မန်စီးတီးတို့ ယှဉ်ပြိုင်ကစားခဲ့ကြရာမှာ ပုံမှန်ပွဲချိန်အတွင်း တဖက် တဂိုးစီသရေကျနေလို့ ပင်နယ်တီအ ဆုံးအဖြတ်ကန်ရာမှာ အာဆင်နယ်က ( ၄-၁) ဂိုးနဲ့ အနိုင်ရချန်ပီယံဖြစ်သွားခဲ့တာပါ။
ဒီပွဲမှာ အာဆင်နယ်ဂိုးသမားရမ်စ်ဒေးလ်က ပင်နယ်တီအဆုံးအဖြတ်မှာ ကာကွယ်မှု တစ်ကြိမ်ပြုလုပ်နိုင်ခဲ့ပြီး အသင်းကို ချန်ပီယံဆုဖလားရရှိအောင်ကူညီပေးနိုင်ခဲ့ပါတယ်။
ဒီပွဲ အနိုင်ရခဲ့အပြီးမှာ အာဆင်နယ်ဟာ မန်စီးတီးကိုအနိုင်ယူနိုင်တယ်လို့ ကြေညာခဲ့တာဖြစ်ကြောင်း ဂိုးသမားရမ်စ်ဒေးလ်ကပြောကြားလိုက်ပြီး လာမယ့် ရာသီသစ်မှာ မန်စီးတီးကို အကောင်းဆုံးဖိအားပေးသွားမယ်လို့လည်း ပြောပါတယ်။
အာဆင်နယ်အသင်းဟာ မနှစ်က ရာသီမှာ မန်စီးတီးအသင်းကို အနိုင်မရခဲ့တာကြောင့် ပရီးမီးယားလိဂ်ချန်ပီယံဆုဖလားနဲ့ ဝေးကွာခဲ့ရတာပါ။
