မာနေးကိုခေါ်ယူရန် ဆော်ဒီကလပ်အယ်လ်နာဆာ သဘောတူညီမူရရှိ
DVB
·
July 29, 2023
ဆော်ဒီကလပ်အယ်လ်နာဆာအသင်းဟာ ဘိုင်ယန်မြူးနစ်တိုက်စစ်မှူး မာနေးကိုခေါ်ယူဖို့ သဘောတူညီမှုရရှိသွားပါတယ်။
ဘိုင်ယန်အသင်းဟာ အယ်လ်နာဆာအသင်းရဲ့ ပေါင်သန်း ၄၀ နဲ့ ကမ်းလှမ်းချက်ကို လက်ခံလိုက်တာဖြစ်ပြီး အပြီးသတ်လုပ်ဆောင်ချက်တွေအပြီးမှာ မာနေးကို ဆေးစစ်မှုတွေလုပ် ဆောင်သွားမှာပါ။
ဆီနီဂေါတိုက်စစ်မှူးမာနေးအနေနဲ့ အယ်လ်နာဆာအသင်းမှာ စီရော်နယ်ဒိုနဲ့ တွဲဖက်ကစားရမှာဖြစ်ပါတယ်။
ဒါ့အပြင် အင်တာမီလန်ကွင်းလယ်လူဟောင်း ဘရိုဇိုဗစ်၊ မန်ယူနောက်ခံလူဟောင်း အဲလက်စ်တဲလက်စ်တို့နဲ့လည်း အတူတွဲဖက်ကစားရတော့မှာပါ။
အာဆင်နယ်ဂိုးသမားဟောင်း အော်စပင်နာဟာလည်း အယ်လ်နာဆာမှာကစားနေတာပါ။ မာနေးဟာ ပြီးခဲ့တဲ့နှစ်ကမှ လီဗာပူးကနေ ဘိုင်ယန်အသင်းဆီ ပြောင်းရွှေ့ခဲ့တာဖြစ်ပြီး တစ်ရာသီကြာကစားအပြီးမှာပဲ အသင်းပြောင်းရွှေ့မှုထပ်လုပ်ခဲ့တာဖြစ်ပါတယ်။
