မက်ဆီရဲ့ လုပ်ခလစာကိစ္စ ပွင့်လင်းမြင်သာမှုမရှိတဲ့အပေါ်မှာ အမေရိကန်မေဂျာလိဂ်အ သင်းပိုင်ရှင်တွေကစိတ်ပျက်နေပါတယ်။

အာဂျင်တီးနားတိုက်စစ်မှူးဟာ အင်တာမိုင်ယာမီအသင်းမှာ တစ်နှစ်လုပ်ခ ကန်ဒေါ်လာသန်း ၅၀ ကနေ သန်း ၆၀ အထိရရှိမှာပါ။

ဒါပေမဲ့ အဲဒီလုပ်ခပမာဏထဲက ဒေါ်လာသန်း ၅၀ လောက်ကို လိဂ်ပြိုင်ပွဲရဲ့မီဒီယာပါတနာ Apple TV ကလည်းပံ့ပိုးကူညီမှာဖြစ်တယ်လို့ သိရပါတယ်။

ဒီလိုလိဂ်ပြိုင်ပွဲရဲ့ မီဒီယာပါတနာ Apple က ပံ့ပိုးသွားမဲ့အပေါ် အသင်းတွေနဲ့ လိဂ်ပြိုင်ပွဲ ရန်ပုံငွေအပေါ် အကျိုးသက်ရောက်မူရှိလာမှာကို ပြိုင်ပွဲဝင်အသင်းပိုင်ရှင်တွေက စိုးရိမ်နေကြတာပါ။

Apple TV ဟာ မေဂျာလိဂ်ပြိုင်ပွဲရဲ့ ရုပ်သံထုတ်လွှင့်ခွင့်အတွက် ၁၀ နှစ်ကြာစာချုပ်ချုပ်ဆိုထားပြီး အနည်းဆုံး ကန်ဒေါ်လာ ၂ ဘီလီယံခွဲအထိ တန်ဖိုးရှိစာချုပ်ဖြစ်ပါတယ်။

မေဂျာလိဂ် All Stars အသင်းဟာ အာဆင်နယ်နဲ့ ခြေစမ်းပွဲကစားဖို့နေပြီး အဲဒီပွဲမတိုင်ခင်မှာ အသင်းပိုင်ရှင်တွေအားလုံး အစည်းအဝေးတစ်ခုပြုလုပ်မှာဖြစ်ကာ မက်ဆီရဲ့စာချုပ်နဲ့လုပ်ခကိစ္စက ထိပ်တန်းဆွေးနွေးမှုဖြစ်လာလိမ့် မယ်လို့သိရပါတယ်။