အစ္စရေးအစိုးရရဲ့ တရားစီရင်ရေးဆိုင်ရာ ပြုပြင်မွမ်းမံမှုကို ဆန့်ကျင်ပြီး သီတင်းပတ် ၂၈ ပတ်ဆက်တိုက် ဆန္ဒပြဖို့ ဇူလိုင် ၁၅ ရက်မှာ အစ္စရေးနိုင်ငံသား ၁ သိန်းကျော် တဲလ်အဗစ်မြို့ လမ်းမတွေပေါ်မှာ ချီတက်ဆန္ဒပြခဲ့တယ်လို့ အစ္စရေးမီဒီယာတွေက ဖော်ပြခဲ့ပါတယ်။ 

ရိုက်တာသတင်းဌာနရဲ့ မောင်းသူမဲ့လေယာဉ်ကနေ ရိုက်ကူးထားတဲ့ ဗွီဒီယိုဖိုင်ထဲမှာ ဆန္ဒပြသူတွေက SOS စာလုံးပါတဲ့ အစ္စရေးအလံကို ကိုင်ဆောင်ထားတာ တွေ့ရပါတယ်။

ပါလက်စတိုင်း အလံတွေ ဝှေ့ယမ်းရင်း အလုပ်အကိုင် သတ်ဖြတ်ခံရတယ်လို့ ရေးထားတဲ့ စာတန်းကိုင်ထားတာကိုလည်း မြင်တွေ့ခဲ့ရပါတယ်။

အကျင့်ပျက်ခြစားမှု စွဲချက်တွေကို ရင်ဆိုင်နေရတဲ့ အစ္စရေး ဝန်ကြီးချုပ် ဘင်ဂျမင်နေတန်ယာဟုက တရားရုံးရဲ့ လွတ်လပ်ခွင့် ထိန်းချုပ်ကန့်သတ်ဖို့ တရားစီရင်ရေးကဏ္ဍကို မွမ်းမံပြင်ဆင်ဖို့ စီစဉ်နေတာလို့ ဝေဖန်သူတွေက ပြောပြီး နေတန်ယာဟုကတော့ ဒီစွဲချက်ကို ငြင်းဆိုထားပါတယ်။

ပြုပြင်ပြောင်းလဲမှုတွေက အစိုးရရဲ့ အကိုင်းအခက်တွေကို ဟန်ချက်ညီစေလိမ့်မယ်လို့ နေတန်ယာဟု က ပြောထားပါတယ်။

အစ္စရေးရဲ့ တာဝန်သက်တမ်း အရှည်ဆုံးခေါင်းဆောင် နေတန်ယာဟုဟာ ဇူလိုင် ၃၀ ရက် မှာ ပါလီမန်မပြိုကွဲမီ သူ့ရဲ့ ဘာသာရေး-အမျိုးသားရေး ညွန့်ပေါင်းအစိုးရရဲ့ တရားစီရင်ရေး ပြုပြင် ပြောင်းလဲမှုကို ဆန့်ကျင်ဆန္ဒပြမှုတွေနဲ့အတူ ပြည်တွင်းအကျပ်အတည်းတွေ ကြားမှာ  ရောက်နေပါတယ်။ 

Source-Reuters