အာဆင်နယ်အသင်းရဲ့ ကစားဟန်ကို ငယ်စဉ်ကတည်းက ကြိုက်နှစ်သက်ကြောင်း ကစားသမားသစ် ယူရီယန်တင်းဘားက ပြောပါတယ်။
အာဆင်နယ်အသင်းကို ပေါင်သန်း ၄၀ နဲ့ ပြောင်းရွှေ့လာတဲ့ ဟော်လန်နောက်ခံလူ တင်းဘားဟာ အသင်းနဲ့ ၅ နှစ်စာချုပ်ချုပ်ဆိုခဲ့ပါတယ်။
အာဆင်နယ်ရဲ့ ကစားဟန်ကိုသဘောကျပြီး အိုင်ယက်စ်အသင်းရဲ့ ကစားဟန်နဲ့လည်း အနည်းငယ်ဆင်တူကြောင်း၊ ခံစစ်ကနေ စတင်ပြီး လျင်မြန်စွာကစားနိုင်တာက အားသာချက်ဖြစ်ကြောင်း ယူရီယန်တင်းဘားက ပြောသွားပါတယ်။
အစ်ကိုဖြစ်သူတွေက အာဆင်နယ်အသင်းကိုအားပေးခဲ့ကြတာကြောင့် ငယ်စဉ်ကတည်းက အာဆင်နယ်ကို အမြဲတမ်း အားပေးခဲ့ကြောင်းတင်းဘားက ပြောပါတယ်။
တချိန်မှာ အာဆင်နယ်အသင်းဆီပြောင်းရွှေ့ကစားမှာဖြစ်ကြောင်း အိုင်းယက်စ်အသင်းနဲ့ အင်တာဗျူးတစ်ခုမှာ တင်းဘားကပြောခဲ့ဖူးတာကို အိုင်းယက်စ်အသင်းရဲ့ နှုတ်ဆက်ဗီဒီယိုမှာ ပြန်လည်ဖော်ပြခဲ့ပါတယ်။
အသက် ၂၂ နှစ်ရှိ နောက်ခံလူ တင်းဘားဟာ ဟော်လန်လက်ရွေးစင်အတွက် ၁၅ ပွဲကစားခဲ့ပြီး အိုင်ယက်စ်နဲ့ ၁၂၁ ပွဲကစားခဲ့ပါတယ်။
