နောက်ခံလူ ဂဗာဒီယိုဟာ မန်စီးတီးအသင်းဆီပြောင်းရွှေ့ဖို့ တောင်းဆိုထားကြောင်း လိုက်ပ်ဇစ် အသင်းက အတည်ပြုသွားပါတယ်။
မန်စီးတီးအသင်းဟာ ခရိုအေးရှားနောက်ခံလူ ဂဗာဒီယိုကို ခေါ်ယူဖို့ ကမ်းလှမ်းထားပြီး လိုက်ပ်ဇစ်အသင်းနဲ့ ဆွေးနွေးမူတွေလုပ်ဆောင်နေတာပါ။
အသက်၂၁ နှစ်ရှိ နောက်ခံလူ ဂဗာဒီယိုနဲ့ အကြံပေးတွေက မန်ချက်စတာစီးတီးအသင်းဆီ ပြောင်းရွှေ့ဖို့ ဆန္ဒရှိကြောင်းတောင်းဆိုထားပြီး လက်ရှိအချိန်မှာ ဆွေးနွေးမှုတွေ လုပ်ဆောင်နေကြောင်း လိုက်ပ်ဇစ် အားကစားဒါရိုက်တာ မက်ခ်အီဘာရယ်က ပြောပါတယ်။
မန်စီးတီးအသင်းအနေနဲ့ ပြောင်းရွှေ့ကြေးပမာဏ သဘောတူညီမှုရဖို့သာ ဆွေးနွေးရနိုင်ပြီး ပေါင် ၈၆ သန်းလောက်အသုံးပြုရနိုင်တယ်လို့ သိရပါတယ်။
အရပ် ၆ ပေ ၁လက်မမြင့်တဲ့ နောက်ခံလူ ဂဗာဒီယိုဟာ ခရိုအေးရှားအသင်းအတွက် ၂၁ ပွဲကစားထားပြီး ၂၀၂၁ ခုနှစ်ကနေ လက်ရှိအချိန်အထိ လိုက်ပ်ဇစ်အတွက် ၈၇ ပွဲမှာ ၅ ဂိုးသွင်းပေးခဲ့ပါတယ်။
