စီးရီးအေထိပ်သီးကလပ် အေစီမီလန်အသင်းဟာ ချဲလ်ဆီးကစားသမား ရူဘင်လော့တပ်ဖ်ချိကို ခေါ်ယူနိုင်ခဲ့ပြီလို့ ဇွန် ၃၀ ရက်မှာ တရားဝင်ထုတ်ပြန်ကြေညာခဲ့ပါတယ်။
အေစီမီလန်အသင်းဟာ လော့တပ်ဖ်ချိအတွက် ချဲလ်ဆီးအသင်းကို ပေါင် ၁၆သန်း နဲ့ အပိုဆုကြေး၄ သန်း ပေးဆောင်ရမှာဖြစ်ပြီး ၄ နှစ်စာချုပ်ချုပ်ဆိုခဲ့ပါတယ်။
"ကျနော့်ဘဝတစ်လျှောက်လုံး ကူညီပေးခဲ့တဲ့ချဲလ်ဆီးအသင်းနဲ့ ဆက်စပ်သူအားလုံးကို ကျေးဇူးတင်ပါတယ်။ ကျနော့်အတွက် နိုင်ငံသစ်မှာ နေထိုင်ဖို့နဲ့ ယဥ်ကျေးမှုအသစ်ကို ခံစား ဖို့အချိန်တန်ပါပြီး" လို့ ရူဘင်လော့တပ်ဖ်ချိက ပြောပါတယ်။
အသက် ၂၇ နှစ်အရွယ်လော့တပ်ဖ်ချိဟာ ချဲလ်ဆီးအကယ်ဒမီသို့ ၈ နှစ်သားအရွယ်ထဲက ရောက်ရှိခဲ့ပြီး ၂၀၁၄ ခုနှစ်မှာပရော်ဖက်ရှင်နယ်ပွဲ ထွက်ခွင့်ရရှိခဲ့ပါတယ်။
လော့တပ်ဖ်ချိဟာ ချဲလ်ဆီးအသင်းမှာ ပွဲပေါင်း ၁၅၅ ပွဲ ကစားခဲ့ပြီး ၁၃ ဂိုးသွင်းယူကာ ပရီးမီးယားလိဂ် ဖလား၂ ကြိမ်၊ ကလပ်ကမ္ဘာ့ဖလား ၁ ကြိမ်၊ ဥရောပစူပါဖလား ၁ ကြိမ်နဲ့ လိဂ်ဖလား ၁ ကြိမ်တို့ကို ဆွတ်ခူးနိုင်ခဲ့ပါတယ်။
Source AC Milan
