ရခိုင်ပြည်နယ် ရသေ့တောင်မြို့နယ်နဲ့ ဘူးသီးတောင် မြို့နယ်ရှိမှာရှိတဲ့ မုန်တိုင်းသင့် မြိုတိုင်းရင်းသား ပြည်သူတွေအနေနဲ့ စစ်ကောင်စီထံကရော နိုင်ငံတကာနဲ့ ပရဟိတအဖွဲ့တွေထံကပါ အကူအညီတွေ အခုချိန်ထိမရသေးဘူးလို့ မြိုတိုင်းရင်းသားတွေကပြောပါတယ်။
မေလ ၁၄ ရက်နေ့မှာ တိုက်ခက်ခဲ့တဲ့ မိုခါဆိုင်ကလုန်းမုန်တိုင်းဒဏ်ကြောင့် ရသေ့တောင်မြို့နဲ့ ဘူးသီးတောင်မြို့မှာရှိတဲ့ မြိုတိုင်းရင်းသားတွေနေထိုင်တဲ့ ကျေးရွာ ၉ ရွာ အားလုံးဟာ တစ်ရွာလုံးနီးပါးပျက်စီးခဲ့ပြီး အိမ်ခြေအဆောက်အအုံ ၆၀ ရာခိုင်နှုန်းဆုံးရှုံးခဲ့တယ်လို့ ဒေသခံတွေက ပြောပါတယ်။
လက်ရှိအချိန်မှာတော့ မုန်တိုင်းတိုက်ခတ်ပြီးသွားတာ တစ်လနီးပါးကြာခဲ့ပေမယ့် အခုအချိန်အထိ ဘယ်နေရာကမှအကူအညီ မရရှိပဲ အစားအစာကို အချင်းချင်းမျှဝေစားသောက်နေရတယ်လို့ ဆိုပါတယ်။
လက်ရှိမှာလည်း သောက်သုံးရေမသန့်ရှင်းတဲ့အတွက် ကလေးငယ်တွေအနေနဲ့ဝမ်းပျက် ၊ ဝမ်းလျော ဖြစ်ကာ အရေးပေါ် ဆေးကုသမှုတွေလည်းလိုအပ်နေပြီး မုန်တိုင်းသင့်ခဲ့တဲ့ မြို ကျေးရွာ ၉ ရွာပေါင်းရင် လူဦးရေ ၅၅၀၀ ဝန်းကျင်ရှိတယ်လို့လည်း သိရပါတယ်။
