မွန်ပြည်နယ်၊ ကျိုက်ထိုမြို့နယ်ပေါ်ရပ်ကွက် နေသူ တဦးနဲ့ စစ်တောင်းရွာနေသူ တဦးရဲ့ နေအိမ်နဲ့ ဆိုင်တွေကို စစ်တပ်က မေ ၁၀ ရက်မှာ ချိပ်ပိတ်ခဲ့တယ်လို့ ဒေသခံတွေက ပြောပါတယ်။

အကြမ်ဖက်မှု ဥပဒေ ပုဒ်မနဲ့ ဖမ်းဆီးခံထားရတဲ့ ကျိုက်ထိုမြောက်ပိုင်းရပ်ကွက်က ထက်ဥက္ကာလင်း (ခ) ဥက္ကာရဲ့ ဆိုင်ကယ်ပစ္စည်း အရောင်းဆိုင်နဲ့ နေအိမ်၊ စစ်တောင်းကျေးရွာနေ နေလင်းထိုက်(ခ) အာမီပိုင်ဆိုင်တဲ့ ပန်းတော်ဦး ကုန်စုံဆိုင်ကို ချိတ်ပိတ်လိုက်တာပါ။ 

ထက်ဥက္ကာလင်းကို စစ်တပ်က ဖမ်းဆီးပြီး တလကျော်အကြာမှာ အခုလို နေအိမ်နဲ့ ဆိုင်ကိုပါ တပါတည်း ချိတ်ပိတ်လိုက်ပြီး သူ့နဲ့အတူ ပန်းတော်ဦးကုန်စုံဆိုင်ကိုပါ ချိတ်ပိတ်ခဲ့တာပါ။

ကျိုက်ထိုမြို့နယ်မှာတော့ စစ်တပ်က ချိပ်ပတ်ခံရတဲ့ နေအိမ် ၁၀ လုံးထိ ရှိပါတယ်။