မွန်ပြည်နယ်အတွင်း ကိုဗစ်အတည်ပြုလူနာ ၁၄ ဦး တွေ့ရှိခဲ့ကြောင်း စစ်ကောင်စီ ကျန်းမာရေးဝန်ကြီးဌာနက မေ ၃ ရက်မှာ ထုတ်ပြန်ပါတယ်။
ပေါင်မြို့နယ်မှာ ၅ ဦး၊ ကျိုက်ထိုမြို့နယ်မှာ ၂ ဦး၊ သံဖြူဇရပ်မြို့နယ်မှာ ၂ ဦး၊ မုဒုံမြို့နယ်မှာ ၂ ဦး၊ မော်လမြိုင်မြို့နယ်မှာ ၁ ဦး၊ ကျိုက်မရောမြို့နယ်မှာ ၁ ဦးနဲ့ ချောင်းဆုံမြို့နယ်မှာ ၁ ဦး တွေ့ရှိခဲ့ကြောင်း ထုတ်ပြန်ချက်အရ သိရပါတယ်။
အတည်ပြုလူနာတွေကို သက်ဆိုင်ရာမြို့နယ် ကိုဗစ်ကုသဆောင်တွေကို ပို့ဆောင်ထားပြီး တချို့ကို နေအိမ်မှာ ကွာရန်တင်း ထားရှိပါတယ်။
ကိုဗစ်အရေး ကူညီဆောင်ရွက်နေသူတယောက်က “မွန်ပြည်နယ်မှာလည်း တဖြည်းဖြည်းနဲ့ တွေ့ရှိနှုန်းက များလာတယ်လို့ ပြောလို့ရတယ်။ အခုဆို ကိုဗစ်စင်တာကို ပို့တဲ့သူတွေရှိသလို အိမ်မှာပဲ ကွာရန်တင်းထားတဲ့သူတွေလည်း ရှိတယ်။ ပြီးတော့ လူစုလူဝေးတွေ ပုံမှန်သွားလာနေကြတာကြောင့် ကူးစက်မှုလည်း ထပ်မံတွေ့ရှိလာနေတာကြောင့် လူတွေ မပေါ့မဆကြပါနဲ့” လို့ ပြောပါတယ်။
မွန်ပြည်နယ်အတွင်း မြို့နယ်အသီးသီးမှာ ကိုဗစ်ကာကွယ်ရေး စည်းမျဉ်းစည်းကမ်းကို လိုက်နာကြဖို့ မွန်ပြည်နယ် ပြည်သူ့ကျန်းမာရေးဦးစီးဌာနက သတိပေးချက် ထုတ်ပြန်ထားပေမဲ့ လူစုလူဝေးတွေဟာ အရင်လို ပုံမှန်အတိုင်းပဲ သွားလာနေကြတယ်လို့ ဆိုပါတယ်။
