ခင်ဦးမြို့နယ်တွင် ဒေသခံပြည်သူ ၂၅၀၀ ကျော် စစ်ဘေးရှောင်နေရ
DVB
·
April 18, 2023
စစ်ကိုင်းတိုင်း၊ ခင်ဦးမြို့နယ်မှာ ဧပြီ ၁၈ ရက် မနက်ပိုင်းက စစ်ကောင်စီ စစ်ကြောင်း ရောက်ရှိလာတာကြောင့် နီးစပ်ရာကျေးရွာ ၈ ရွာမှ ဒေသခံ ၂၅၀၀ ကျော် ဘေးလွတ်ရာကို စစ်ရှောင် နေရတယ်လို့ ဒေသခံတွေထံက သိရပါတယ်။
အင်းပတ်၊ ရွာသစ်၊ ချမ်းသာကုန်း၊ အင်တိုင်းလေးတောင်၊ အင်တိုင်းလေးမြောက်၊ သရက်ပင်စု၊ မြင်းဒေါင်းနဲ့ မကျီးအုပ်စတဲ့ရွာက ဒေသခံတွေဟာ နီးစပ်ရာ ကျေးရွာတွေနဲ့ လယ်ယာတွေကြား ဦးတည်ချက် မရှိပြေးနေရပြီး စစ်တပ်ရဲ့ လက်နက်ကြီးလည်း ထိခိုက်မိမှာ စိုးရိမ်နေကြရတယ်လို့ ဒေသခံတွေက ပြောပါတယ်။
ခင်ဦးမြို့နယ်တွင် စစ်ကောင်စီတပ်က မကြာခဏ စစ်ကြောင်းထိုးပစ်ခတ်မှုတွေ ရှိတယ်လို့ ဒေသခံတွေက ပြောပါတယ်။
