နိုင်ငံကျော်အဆိုတော် တွံတေးစိုးအောင် စျာပန
DVB
·
March 11, 2023
မယ်ဒလင်သံစဥ်တွေနဲ့အတူ မြန်မာတေးသီချင်းတွေနဲ့ ကျော်ကြားခဲ့တဲ့ တေးရေးတေးဆို အနုပညာရှင် တွံတေးစိုး အောင်ရဲ့ စျာပနအခမ်းအနားကို ရန်ကုန်မြို့က ထိန်ပင်သုသန်မှာ ဒီကနေ့ မွန်းတည့် ၁၂ နာရီ ကျင်းပခဲ့ပါတယ်။
တွံတေးစိုးအောင်ဟာ မတ် ၉ ရက်န မနက်က ဦးဏှောက်သွေးကြောပျက်ပြီး အသက် ၆၁ နှစ်အရွယ်မှာ ကွယ်လွန်သွားတာပါ။
တေးသီချင်းများစွာကို ကိုယ်တိုင်ရေးကိုယ်တိုင်တီးကာ မယ်ဒလင်တလက်တည်းနဲ့ သီဆိုခဲ့တဲ့ အဆိုတော်တွံတေး စိုးအောင်ဟာ တောရောမြို့ပါ ပရိသတ်အားပေးလက်ခံမှုကိုလည်း ရရှိခဲ့သူဖြစ်ပါတယ်။
တွံတေးစိုးအောင်ရဲ့ ပထမဆုံး တကိုယ်တော်စီးရီးက "ကိုကိုလို့ခေါ်ပါ " ဆိုတဲ့ တေးစီးရီး အပါအဝင် တေးစီးရီးပေါင်း ၁၀၀ ကျော်လောက်ရှိခဲ့တယ်လို့ သိရပါတယ်။
တွံတေးစိုးအောင်ကို တွံတေးမြို့နယ်၊ ကျုံးကြီးရပ်ကွက်မှာ တောင်ယာလုပ်ငန်းလုပ်ကိုင်တဲ့ မိဘနှစ်ပါးက မွေးဖွားခဲ့တာ ဖြစ်ပါတယ်။
