ဒါရိုက်တာ ကိုပေါက် ရိုက်ကူးထားတဲ့ 'မသောက်မိသော မိုးခါးရေ' ဖြစ်ရပ်မှန် ရုပ်ရှင်ဇာတ်လမ်းတိုကို အောက်တိုဘာ ၁၇ ရက်မနက်က ထိုင်း-မြန်မာနယ်စပ်၊ မဲဆောက်မြို့ရှိ ဆာသူးလေ မြန်မာရွှေ့ပြောင်း အထက်တန်းကျောင်းမှာပြသရာမှာ ကျောင်းသူကျောင်းသားတွေ ထောင်နဲ့ချီပြီး စိတ်ဝင်တစား ကြည့်ရှုအားပေးခဲ့ကြပါတယ်။
ဒီရုပ်ရှင်ဇာတ်လမ်းတိုရဲ့ ရည်ရွယ်ချက်၊ ရုပ်ရှင်ရိုက်ကူးဖြစ်ရတဲ့အကြောင်းရင်းနဲ့ ခံစားချက်တွေကိုလည်း ဒါရိုက်တာ ကိုပေါက်က အွန်လိုင်းကတဆင့် ပြောကြားခဲ့ပြီး ရွှေ့ပြောင်းကျောင်းသူကျောင်းသားတွေရဲ့ မေးမြန်းချက်တွေကိုလည်း ဖြေကြားခဲ့ပါတယ်။
'မသောက်မိသော မိုးခါးရေ' ရုပ်ရှင်ကို ဂျပန်၊ တောင်ကိုရီးယား၊ ဩစတြေးလျ၊ ယူကေစတဲ့ နိုင်ငံအသီးသီးမှာလည်း ပြသနေတာဖြစ်ပါတယ်။
လာမယ့် ၂၀၂၃ ခုနှစ်မှာလည်း မြန်မာနိုင်ငံရေးနဲ့ပတ်သက်တဲ့ ရုပ်ရှင်ဇာတ်ကားတွေကို ဆက်လက် ရိုက်ကူးသွားဖို့ရှိနေတယ်လို့ ဒါရိုက်တာကိုပေါက်က ပြောပါတယ်။
