ဘုတလင်မြို့ပေါ်တွင် စစ်တပ် ပစ်ခတ်မှုကြောင့် ပြည်သူ ၂ ဦး ဒဏ်ရာရ
DVB
·
October 8, 2022
စစ်ကိုင်းတိုင်း ဘုတလင်မြို့ပေါ်မှာ ဗန္ဓုလရုပ်ထုနားမှာ စစ်ကောင်စီက အောက်တိုဘာ ၇ ရက် ညနေ ၆ နာရီခွဲမှာ သေနတ်နဲ့ ပစ်ခတ်တာကြောင့် ပြည်သူနှစ်ယောက် ကျည်ထိမှန် ဒဏ်ရာရခဲ့တယ်လို့ မျက်မြင်ဒေသခံတွေက ပြောပါတယ်။
*အပစ်ခံရတာက မုံရွာကနေ ကြက်ဥယူပြီး ပြန်လာတဲ့ ဈေးသည်ကားကို ပစ်တာ။ ဘာကြောင့် ပစ်တာလဲဆိုတော့ မသိဘူး။ မြို့ထဲဝင်လာတာကို ပစ်တာပဲ။ အပစ်ခံရတာက ကိုကျော်မင်းလွင် ၄၅ နှစ် ဦးခေါင်းရှပ်ထိ နဲ့ မမူမူဇင် အသက် ၂၅ နှစ် ဗိုက်ပွင့်ဒဏ်ရာ အသီးသီးရသွားတယ်။ သေဆုံးခြင်း ရှိ၊ မရှိတော့ မသိရသေးဘူး။ ဘုတလင်ဆေးရုံထဲ သယ်သွားတာတော့ မြင်လိုက်ရတယ်” လို့ ဒေသခံတဦးက ပြောပါတယ်။
အခုစစ်ကောင်စီ ပစ်ခတ်တဲ့ ဈေးသည်ကားဟာ ဘုတလင်မြို့ပေါ်ကဖြစ်ပြီး မုံရွာမြို့ကနေ ကြက်ဥ ဝယ်ပြီး စိုင်ပြင်ကြီးဈေးမှာ ပြန်လည်ရောင်းချတဲ့ ဈေးသည်တွေ စီးလေ့ရှိတဲ့ ကားဖြစ်တယ်လို့ ဒေသခံတွေက ပြောပါတယ်။
